On organizing Thabal Chongba in Delhi
April 13, 2018
Chahi khara asida Delhi da Thabal sinbaga eroinana thoklakkhiba thokhanningdaba thoudok thokkhibaga mari leinana chahi anigi mamangda MSAD na Manipurgi maheiroigi lup singga kupna khanna neinaraba tungda maheiroi nattaba lanai lup singna sendal lambigidamak Manipur khunaigi naat ki oiba Thabal bu sijinnarakpa asi sougatchade haina cherol ama thokkhiba leikhre( Ref. No. 20161105).
Makha tarakpada MACHU haiba entertainment group asina 2017 gi October 21st Ningol Chakkouba numitta sinkhiba Thabal aduda nupi oibigi finunggi mami taba photo amadi yengba nungaitaba nupisabi singgi photo thagattuna leibak wathok oihankhiba adudagi MSAD na Manipur gi maheiroi lup kayaga kupna khanna-neinaraba tungda Delhi da maheiroi lup nattaba lanai gi oiba sendal lambigi amasung esagi oija-oithakkidamak Thabal sinba thingle haina akanba cherol meeyamda khanghankhiba leikhre (Ref. No. 20171027).
Makha tarakpada, athingba asigi marakta MACHU na Thabal singani haina tourambadagi MSAD ka February gi tarik 23 da punna famminnaduna wakhal taminnaraba tungda Thabal adu sinkhide (Ref. No. MSAD/PR/20182402).
Handak thagi tarik 5 da MSAD na Kanglei Studio kouba meeoi marina semba kangbu amana tarik 14 (Goura Cheiraoba) da Thabal singani haina pao fangbadagi tarik 6 ta MSAD ka Kanglei Studio ga meepham ama famminnaduna wakhal taminnanaba hotnakhi. Meepham aduda MSAD amadi Manipur maheiroi lupsingna Thabal sinba yadabagi maram amadi afa-fatta mayam adu kupna neinanaba hotnakhi, abudu adugi onna-teinabada Kanglei Studio na mangak mukna amadi usit-thawaoidana Thabal suksoi soidana singani haina fongdoklakpadagi wakhal taminnaba ngamkhide.
Meefam asiga mari leinana mathanggi numitta cherol ama MSAD na thokkhi ( Ref. No. 20180407). Cherol adugi Facebook ki comment section da meeyambu usit-thawoidaba mawongda karem-kathainaduna taba nungaitaba wahei-wata kaya ama hairiba kangbu asina sijinnakhi. Makha tarakpada comment sing adu ubadagi Delhi da leiba maheiroisingna Thabal silliba makhoi sing adu unaduna wari sananaba hotnarakkhi.
Marak asida Thabal thingliba lup MSAD ta Thabal chongbagi invitation thillakke haina Kanglei Studio na karemnarakkhibaga loinana MSAD ki e-mail da invitation thajillakhi.
Tarik 7 ta maheiroising amadi Kanglei Studio ga sakka-sakka thengnaraba tungda Manipur gi lup kayana thingliba asigi mayokta Thabal soidana singani haina usit-thawoidaba wafam thamlakkhi. Panba yabadi, Delhida leiba Manipurgi maheiroisingda thokhanningdaba laibak thiba thoudok tattana thokli – Pravish Chanam amasung Siddarth Moirangthem gi meesi, Bitoo Taorem thiba fangdana mangkhiba, nupida thokpa sexual harassment amasung rape case sing amasung racism gi thoudoksing.
Mafam aduda tilliba maheiroi sing aduna afa-fatta mayam ama Delhi da thoklakpa yai haina thamkhibada ungkhatnarakpadagi khatna-cheinaba thoklaba matungda Kanglei Studio na Thabal sillaroi haibagi wafam kainathangda thamlakkhi.
Matung tarakpada tarik 9 da FIR paalle haiduna Delhi Police na MSAD ta phone touduna khanghallakkhi, amadi tarik 11 da MSAD ki President amadi maheiroi kharabu FIR pallamba thengnakhi, loina-loinana president bu ahing ama police na phajinkhi. Numit aduda Delhi da leiba maheiroi singna MSAD gi President fajinkhibagi mayokta ehou houraktuna President bu nonganlamdaida thadorakkhi, adubu makha tana court ta karaknaba hairakkhi.
Aroibada, leibak meeyamgi thabak chelliba President amadi maheiroi singbu FIR paanduna career maanghannabagi oirakliba fibam asida Manipur gi meeyam amadi lup singna mityeng changsinbiduna matung da maheiroi gi career maangba yaba thabak asigumba thoudoksing asi amuk hanna thoktanaba pukning chingsinjari.
* This Press Release was sent to e-pao.net by Manipur Students' Association Delhi who can be contacted at msad(DOT)manipur(AT)gmail(DOT)com
This Press Release was posted on April 14 2018
* Comments posted by users in this discussion thread and other parts of this site are opinions of the individuals posting them (whose user ID is displayed alongside) and not the views of e-pao.net. We strongly recommend that users exercise responsibility, sensitivity and caution over language while writing your opinions which will be seen and read by other users. Please read a complete Guideline on using comments on this website.