JCILPS :: Press Statement on July 20 2015

20 July 2015

"Leingakna khut lanthoklabasu JCILPS na Wari shasi yadri" haina Deputy Chief Minister Gaikhangam na phongdokliba asi meeyam punna khangminnapham thok-e/ Leiriba Govt. asina houjik phaobada yelhoumee singbu kannaba Bill ama PASS touraga lamdam asida chatnahange haibagi thourang amagee phirepti mating leina leptri. Houkhiba tang 15 da meeyamna pamdaba aranba Bill amabu Assembly da withdraw hek toubaga pung 2 taba matamda JCILPS ka unasi haibagee CM gee office tagee che lakkhi/ Adubu unasi haina hathu hathuna haibasi nunggee wahanthok karino haibasi JCILPS na khangkhi/

Hairiba bill adu handokpagee numitki nungthil pung 2 da JCILPS ki thoumee singbu wari sashi haina hathu hathuna hairiba asigee Govt. ki aronba agenda leipham thok-e/ Masida Govt. ka wari sabagee matang matam chadri haiduna JCILPS na yakhide, Houjik houkik maki oinadi waree sasee haiba gee formal invitation pirakpa leitae. Manipur Government na JCILPS ta unaraga wari sananaba tang 14 July da pirakpa invitation gi paokhum JCILPS na tang 15 da pikhi.

Pikhiba paokhum asigi reply JCILPS ta pirakhiba leitae. Masi gi matung tarakpadasu ngasi phaoba Government gi maikei dagi karigumba makhal gi invitation amata pirakpa leitae. Asigumba tanja asida Home Minister na miyam bu Lanna lamjing duna punaba hotnabada JCILPS ta unnanaba invite pikhi haina namthak touduna miyam gi ihoubu namthanaba JCILPS ka miyamga tokhai tokhai khaidoknaba hotnaribasi laibakthibani. Masimakna ngasigi Government asee pukchel sengna yelhoumi kannaba thabak paikhatningdae haibasi mayek senglae.

Houriba ehou asigee aroiba waroisin leipham thok-e/ Waroisin masak thokna leigadabani/ Madu natabada Govt. ka wari ngaihak leitana sanabana , agenda yaodana unabada ehou da mang thana saruk yariba meeyamna JCILPS ta lanna loukhini haibasi JCILPS na yamna kina amadi lumna louba amani/ Wari saba tarabasu maram chaba tangkak amada meeyam khangna hanna meeyamga tanna tiknaraga soidana wari sagani/ Hathu hathubagi mathousu tade haibasi JCILPS ki waphamni/

Govt. ki maikeidagee meeyamgee apamba khangna step lourakpada JCILPS na taramna okkani/ Houjik Govt. na anouba yelhoumee Kangadaba Bill ama sem saba loibiro aduga JCILPS ta hainingba kari leiri haibagee invite tourakpa oirabadi taramna soidana okkani/ Masi natabana houjik Govt. na thangliba po amadi khallibasi meeyamgi ehou asi karamna namthasige haiba wakhal asini haibasi JCILPS na Irai laina thajaba ngamdabagee maram kaya leikhre/Houjik phaobada Govt. asina karamba meeyamna yagadaba khongthang loukhattuna JCILPS ka wari shasi hairibano ? Wari shabagi wahanthok kari oigani ? Meeyam marakta JCILPS ki thou puribasingbu mingchat thinnaba hotnaba nattana karisu toudri haina JCILPS na lou-e/

Mamangdasu JCILPS ki maru oiba thoumee taruk pulap phajilaga Porompat Police Station gee lock up ta asing ama namsinduna thamlaga nong nganbada CM na wari sanaba pick up toubani, arrest natte haina thadokkhiba drama adugee namthiba manam ngasi phaoba meeyam marakta koktri/

Editors , Lawyers, Film gee meewoi khara Govt. na unaduna leibakki wari sari / Makhoida JCILPS pu ehou nemthanaba paodamlakpa natana chap chana meeyamna pamba law asigee Bill sample utpirakkhiba leitri/ JCILPS ki aningba-apamba pumnamak Government asida hannana khanghankhrabani. Masigi mathakta All Political Party Committee na tha kaya changna akhang-ahei tannaraga kupna neinaraga lamdam asigi yelhoumee kannaba Bill ama shemduna page 282 panba recommendation amasu Government asida pishinkhrabani/ Hairiba waphamsi ephong phongna leibak meeyamna khangnaraba waphamni/

Maram asina Government asigi khwaidagi maru oiba ahanba thoudang asi yelhoumee kanningbagee chap chaba political will aduni / Maram chaba Bill ama puthoklaga Assembly da PASS tounaba hotnaba asina Govt. ki ahanba thoudang oipham thok-e/

Draft Bill asi Govt. na shemlaga puthokpada yamlabada numit 3/4 dagi henna changloi haibasi meeyamna munna khang-e/ Draft Bill asi puthoklabadi Govt. na JCILPS ka masigi matangda khannasi neinasi haibagi wari shabagi invitation piba oirabadi wahanthok lei haina louba yai. Masigi mathakta Govt. asina Cabinet decision ama louraga meeyamna pamliba Bill PASS touba yagadaba Assembly gi Special Session kourabadi JCILPS na meeyamga punna khannaraga kari touba yai haibadu khannaraga achumba phirep ama louminnaba yai /

Maraksida JCILPS pu Govt. ka wari shahanningbagi apamba phongdokpiriba khang heiraba meewoishingna pirakpa suggestion JCILPS na taramna okchei/ Adum oinamak changsillakliba ehou asida leibak meeyamna phaoriba ehul mihul khangna wapham thambirabadi henna nunggaigani/ JCILPS na wari saba pamdaba oina asumna paothoklabadi JCILPS pu meeyamda lanna uhannaba hotnaba oina thokkani/ Masina meeyamna pamliba ILP gee Law ama puthoknaba chatthariba ehou asigee onna teinaba maikeida oina leigani/

CM na meewoi section khara wari saduna purakliba JCILPS pu Govt. ka wari sabinaba haibirakpa wapham asi taramna ok-e/ Adubu khangminagadaba amadi masi meeyamda ut chaibani/ Wari sanaraga yanaba ama puraklabadi phagani haina takpiriba leibakki saknairaba meewoi singgee khuthangda wari sanaba hotnabiyu hairaklibasi meeyamna bhav taminnaba ama mathou tari/

Matam sangna ehou leibana meeyamda piriba awaba, khudong chadaba JCILPS na munna khangjei/ Adubu mapham matam icha chadana wari saruraga meeyamgee ehou nemthahanbada mateng pangsinba oirabadi thawai thakhraba Lamjing Meira Robinhood amadi asok apan thengnariba meeyam amadi leibak meeyamda JCILPS ki aranba khongthang oigani haibasi JCILPS na lumna loujei/ Meeyamna hanba leitana laoriba khollao LONG LIVE MANIPUR, MANIPUR DA ILP CHANHALLU haina khonthang yeina laoriba khollao asi arembada taba yaroi haibasi JCILPS ki wakhalni/

Amaromda Govt. na JCILPS amadi meeyamna pamliba yelhoumeebu kanbagee bill adu puthoktuna pass tourabadi wari sabagee wahanthok leigadara? Wari sanaba mathou taroi/ Wari sashi haibasina utliba wahanthokti yasinnaba ama purak-u haiba oina thok-e/

Asumna Govt. na oiba yaba signal ama pidriba phaoba meeyamna JCILPS na changsilliba khongjang asi hanba leitana changsibiyu/ Handakki ehou asida karigumba Govt. na delaying tactics touduna meeyamgee khongjang nemthahankhiba ngaibagee heinabi leiba O. Ibobi gee leingak asina meeyamgee ehou nemthahanbagee thou-wong thengkhang kayada meeyamna thengnakhrabani/

Siba Hingba anigee langdaida Manipurisingna tunggee meerolgeedamak changsilliba ILP Manipur da chatnahanbagee ehou asi ekhoi mai paktaba yadabani/ Mai pakkhidaba thoklabadi matam pumbagee oina Manipurising amuk hougatpa ngamlaroi amasung wagani/

Ngasi phaobda changcinlakliba khongjangloi singbu JCILPS na thagatpa phongdokchari/ Houjik chatthariba khongjangsida rally, meeyamgee human chain semba, Ima meira paibisinggee wakat meepham, Local MLA, MINISTERSING GEE yumda thomjinduna meeyamna pamliba yelhoumee Bill ama puthoktriba phaoba adumak chatthabiyu/