On BT Road Shoot-out of July 23, 2009
- Working Committee Of The Apunba Lup (WCAL) -

Imphal: 14th August, 2009

OFFICE OF THE
WORKING COMMITTEE OF THE APUNBA LUP

Lakliba August 18 gi ayuk pung 5 dagi August 19 nungthil pung 5 phaoba , numit nini chupna Manipur pumba pung 36 ki General Strike ki khongjang chathagani. General strike manungda miyamna isa-isagi sintha pumnamak leppiduna Killer Chief Minister Ibobi gi mathakta akhak-arao gi khongjang sing chathabiyu.

Numit nini chupna chathagadaba Pung 36 ki General Strike asigi mangoinana lakliba August 16 & 17 ta miyamna mass court arrest ki khongjang chathabiyu., Leikai-leikai/ lamdam-lamdam gi anakpada leiba Police Station singda miyam hupna changsinbiduna khongjang asi changsinbiyu..

Manipur gi Killer Chief Minister O.Ibobi khudakta pham thadok-u, Criminal Manipur Police Commando sing matik chaba cheirak piyu, Mihat asibu lotsinnaba hotnariba Police Officer sing cheirak piyu, Apunba Lup ki phajinkhiba thoumi sing condition yaodana thadok-u haiba wakat sing asiga mari leinana Leikai leikai da, leinariba mapham maphamda Wakat Mipham, Wakat khongchat, Meira Rally, mitams aduna mei thaba asinachingba makhal makha kayagi khongjang sing leptana changsinbiu.

Loinana, lakliba August 18 & 19 numit nini chupna Apunba Lup na koujariba Manipur pumbagi General Strike asida ching amasung tamda leibiriba ireicha pumnamakna isa-isagi sintha leppiduna Killer Chief Minister Ibobi gi mathakta khongjang changsinbiyu.

Manipur gi miyam asi ngasigi leingak mapu oiriba Killer Chief Minister Ibobi na hingna hingna asibagum ngakthi chaplaga hinghanbiri. Mahak ereipak macha oirabasu lamdam asigi macha manao singbu touningba mawongda ot-neiba, hatningba mawongda minungsi yaodana hattokpa ngamba misakni. Hingbagi hak matpiduna mahakki imung manungna miyam gi awa ana asibu yengduna nokna-nokna nungaina punsi lelli. Miyamgi awa ana gi miraokhol asida mahakna karisu nachungba leitana miyamgi punsiga mantiknaraga mahakna leipak ngaakli. Mahakkumba mioi amatta manglamchatta lamdam asida ukhidri. Killer Ibobi na Chief Minister oibada khwaidagi matik chadaba misakni. Lamdam asida leiriba Scholar, intellectuals, educated person loinana miyam asigi mamangda onthokna ikai khangdaba misak haibadu Killer Ibobi oiri. Mahakna lamdam asida kari touribage haibasi loina khangnaraba waphamni. Masida mahakna namphu da criminal forces sijinnaduna miyam asibu khongnetnaduna paangani ningliba misak asi mioibagi wakhal khanthaba ngamdraba tollaba mioi amani haibasi miyamna khangbiyu. Mahakki miot minei, ngasi thokliba miyamgi kham thengna awa ana gi cheitheng asidagi nanthoknaba amasung kokhannaba pambei di Killer Ibobi bu leingak mapu dagi chingthubani. Mahakki nupi Khangabok ki MLA Mrs. Landhoni, leiriba miyamgi phamdou 60 gi manungda matomtani nupi mihut oiriba, mahakki machin dagi naopuribi Rabina bu Killer Ibobi gi yathang matung inna “Criminal Cdo” singna migi wakhal yaodana chahi 2 da ngairiba machanupa gi mamangmaktada kaptuna haattokpikhiba asigi matangda karigumba wahei amaphaoba phongdoktana nupi oibisinggi khollao amatasu laodriba asigumba nupi asidi atangbani “killer Ibobi” gi nupi makni haibada yamna pakchei. Lamdam asida killer Ibobi amasung Landhoni gumba mioi amuk hanna pokpidanaba miyamna ningnasi.

Killer Ibobi gi leingakna miot minei gi inilna miyam asibu langoi challaga khonjel thokna lao-khongba ngamhandre, khouri charam mettuna thammi. Nattaba thouong kaya chathaduna Killer amasung Criminal gi pangal sagattuna miyam asi akibagi nungsaswor holhanduna thamli. Lamdam asida eikhoi pokpani, lamdam asigi chinjak chaduna eikhoi chaorakpani. Eikhoigisu hingbagi hak lei haibasi mipum khudingmakna khangbigadabani. Adubu thongal wangma lanna chatchanabagi ningtamba adu phaoba killer Ibobi na leihanbidre. Asigumba khut-hing asida eikhoi kayam kuina leikhigadage? Imung gi mioi amana imung dagi mapan thokhibada mahakna hallaktriba phaoba mipaidaba imunggi moi kanabau yaoribage. Ngasina kanagi imunggi macha/mawa mapuroiba hatkhigadage haibagi wakhal na lamdam asi nille. Nongmadi eikhoi eikhoigi imung da soidana saruk thunglakhigani. Kanagina machanupa, kanagina mawa mapuroi ba masing khangdana hattokpirakpiri. Lukhrabi 5000 mukki hingbagi phibam aduga mapa yaodraba macha 10000 romgi khunnai asida karamna hingduna tunggi karamba leipak ki moi oirakdarouriba? Hairiba wapham sing asi Killer Ibobi amasung mahakki khutpu da karisu wakhal changloi.

Killer Ibobi bu sougatliba MLA, Minister sing pham kollaga leibagi matam natare, mihatpa makok pu luchingba asum haptuna nacha-nanao, naroi-napang sing leptana hathalliba asi khudakta thingnaba Killer Ibobi sindokpagi matam thengmalle.

Jungle da leiba saa-ngaa da phaoba chatnaba yararoidaba AFSPA 1958 nachingba draconian law kaya India Govt. na Manipur amasung North Eastern State singda thamjinduna, lamdam asigi miyambu hatningba matamda hatpa, phaningba matamda phabagi thabak sanglaba chahi kaya asi leptana chathaduna lakli. Act asigi makhada India gi khutlai paiba siphai singna lamdam asigi lanjadraba micham kaya masing khangdana hatokpikhare, kaya ama pharaga mapham khangdana manghanbikhare, iche-ichal kaya ijat louduna sarak tambikhare. Asumna lamdam asigi miyambu ngaayok chaphuda leiba ngaagum thambiriba asida eikhoina India gi Independence Day 15 August ki thouram da pung-jaal thinduna, benjao khongduna harao tayamba phongdoklubagi wahanthok karino. Makha tana eikhoigi miyambu hatpikho, phubikho, iche-ichal kayabu ijat loubikho haina harao tayamba phongdokkadouribara.

Nura Temsingnabi Irom Chanu Sharmila na lamdam asidagi AFSPA louthoknaba chahi 9 charaa hellakliba, handak Killer Ibobi na Khwairamband Keithel da phongna chathakhiba fake encounter gi drama asi Prithibi gi miyamna khangnaraba phaobada India gi Prime Minister, President, UPA gi Chairperson Sonia Gandhi na chingba luchingba singna Killer CM Ibobi amasung Criminal Police Commandos singgi mathakta houjik phaoba action amata loukhattana kankhattuna thamli. India gi luchingba singna Democracy amasung Rule of Law da thajaba tarabadi Killeer CM Ibobi gi pham khudakta louthokpaga loinana criminal commandos sing matik chaba cheirak soidana pigani haibasi Manipurgi miyamna thajabani.

Adubu ngasi phaoba India gi luchingba sing action amata loukhattna leiriba asina mihat asida India gi luchingbagi plan yaorabara haiba miyamna hangnariba waphamni. amasung Killer Ibobi na chatharakpa mihat-mipun asidagi isa ngakthokchanaba punna hotnaminnarasi.

Ngasi nupa yaodaba lamdam ama oihallaklabanina lamdam asigi nupi singna phi setlubagi mathou tadre haiduna nupigi apunba khollao ama lakpa soidrabani. Nupa nupi leiminnabagi respect tounaduna phi setpani nupa makhei hattokpikhraba nupa leitaba khunnai da nupi ngakta leihangadaba oirabadi phi setluabgi wahanthok leikhigadra haibasi khannaraklabani. Asigumba miyamda leiriba trauma asina miyam asi nongmadi ngaoduna chatnarakkani. Matamdudi Ibobi amadi mahakki khutpu na leipak mara tapna paanba ngamlgani khanduna natei huktaba mihatpagi thabak asi chatharakpani. Asigumba phibam ama lamdam asida youraklaba asidadi miyam hupna khongjang changsinduna houjik ki mirol amasung tunggi mirol asi kalhourasi. “STOP STAE TERRORSIM” “RESIGN KILLER CHIEF MINISTER IBOBI” PUNISH CRIMINAL COMMANDOS” “REPEAL AFSPA” haiba khollao laoduna leppa leitana protest changsinbiyu. Loinana MASS COURT ARREST ki khongjang changsinba hourasi.

Laakliba August 18 & 19 numit nini Manipur pumba General Strike chathajadouriba asida ching-tam miyamna general Strike asi sougatpiyu haijari. Manipur da General Strike toubana nongmagi khutsuman tallaga hingmininnariba eikhoigi miyamda awa-cheitheng asukki pi haiba asi Apunba Lup nasu munna khangjei. Adubu nongmagi khutsuman tallaga hingminnariba eikhoigi iche-ichal, ima-ipa, ichil-inao bu Killer CM Ibobi gi bok ki chakthak oina numit khudinggi mathang mathang hallakliba asi nongma natraga nongmadi eikhoi eikhoigi imungda soidan thoklaragani haibasi kaobiganu. Numit kharani chara nongkhamnarabasu Mihatpa Makok Killer Ibobi bu chap chab para tambihoudrabadi henna henna sathiba mihat kaya kaya chatharakkhigani. Tungda thoklagadaba mihat sing asidagi kalhounaba awa-ana khara khangminarasi haina nungsijaraba ireicha singi maphamda nolukna haijari.

August 18 amasung 19 da numit nini chupna chathajagadouriba Manipur pumbagi General Strike manungda nungsijaraba ireicha singna isa-iasgi sintha pumnamak leppiduna makhal makha kayagi khongjang angamba thakta, areiba pambei sijinnaduna chathabiyu. General Strike manungda Killer Chief Minister Ibobi, Criminal Manipur Police Commando singgi effigy sing saduna leikai/leikai, khul/khul singda pak sanna mei thabiyu, numidang gi matamda leikai/leikai da miyamna thokpiduna akanba khollao laobiyu.

Killer Ibobi amasung Criminal Commando singgi makhuttagi micham kaya kayagi punsi eikhoi isana kanjahounaba changsilliba khongjang sing asibu namthnaba Killer CM Ibobi na mahakki achanba Police Commando, security sing thadoktuna thingnaba hotnarakkani. Miyamgi khongjang bu tear gas, nongmei maru, lichei, mob bomb asinachingba khutlai sing sijinnaduna thingnaba hotnarakpa matamda eikhoigi thouna leiraba miyamnasu areiba chei-lang, thang-ten, ukok-wakok sijinnaduna thengnananba sem sabiyu. Killer Ibobi gi bu kankhattuna thamnanaba security forces singgi ahenba lichat-sajat ki maiyokta miyamna Yot-khok Lan chatharasi.

Ereibak Kanba Apunba Lup na changsillakliba khongjang Apunba Lup na thagatli adubu makha tana Apunba Lup na kari touri yengdana Apunba Lup pu mayamda lanna uhannaba hotnaba laibak thibani. Nahan makheina tumminna leithokluraga houjikta leibak ningba sariba kangbusing asi Apunba lup na noktaba ngamde. Asigumba meeyambu lanna lamjingnaba hotnariba, ehou asida machete tanaba amad9i thugainaba hotnariba sing asi meeyamgi yaifanaba sinba kangbu natte, masagi oija oithak pamba mana louba pamba Govt na thadokpa huiroising oirammoi hainingai leite. Chathariba meeyamgi senglaba ihou asida meeyam gi ayaba yaodana karigumba amata Govt ga yanaba purakloi amadi karigumba makhal amata yanakhiba leite. Ereibak Kanba Apunba Lup na maikhum uptuna huranbagi sajat chatliba mee-oi munna khangadoubani. Manipur gi meeyamnasu asigumba kanglupsing asi muthatnaba hotnagadoubani amada lup asina meeyamda sengdkkadabani.

PS: Ngasi wakat meefam Phamkhiba mayai lambi gi mafam singdi , wabagai keithel macha , Hiyanglam Lai Panganba , Hiyanglam Mayai Leikai, Hiyanglam makha leikai , Hiyanglam Hiranmei, Hiyanglam wabagai tera Pishak , Sekmaijing mamang eeikai Ningol khong , Sekmaijing Bazar , Sekmaijing Bazaar thong wangma amasung Phabakchao

Waphong Kanglup, WORKING COMMITTEE OF THE APUNBA LUP