Khutsemgi esing tangba thokle

March 22, 2015:

Manipur da houhiba chahi dagi houduna ekhang khanghoudana meeyam na hingbada khwaidagi maru oiba atoppa pot amattana mahut inba yadaba esing i awa ba mayoknari. Chahi asigi oinasu houjik lamta tha loirakpa matam asi da esinggi awat pa leiba houre.

Lamdam asigi maru oiba tampak faoduna chelliba turel sing gi manungda Nambul,Kongba Iril, ama di Imphal turel gi emai khamthengna mayeng takhre. Maram asina maikei asom da amadi Manipur gi mayol lamda esing fangdabagi mayoknaba houre. Kumgi nong laktriba faobadi awaba asi henna henna oirakhigadouri.

Ngasi Iril turel gi nak yetta khundariba leikai singgi oiba club sing oiba meefam ama Iril River Development Committee na sinduna Top Youth Club ki sanglen da pangthoktuna oirakliba fibam asida kupna khannakhi. Meefam asida tinba Club singgi luchingbasing na ammatta oiba mot ta houjik iril turel amadi Imphal turel gi emai khanghan hanthakhribasi hanthakhriba asi ngasidagi numit 10 ni gi mamang da Imphal Barage bu maram chadana fattokhiba dagini amadi maikei asom da amadi porompat water supply na konba mafamsingda esinggi fangdriba asigi daita IFCD na pufam thok ee.

Mari leinaba Deppt sing na matam leiri ngeida amadi esing fangdri ba mafamsingda mobile oina water tanky sijinnaduna meeyam gi thadoknaba yadraba esing khudakta fanghannaba sinduna meeyam gi awaba kokhangadabani. Iril turel gi nak yetta athubada pipe tingduna houjik leiriba esing khara asi heina singna konnanaba sijinnanaba Govt na mapung oiba thoudang louduna awatpa asi khudakta mensinbinaba taksilli. Madu natrabadi esing munnabada amaga amaga thokhanningdaba thoudok thorakloi hainingai leite. Masida afa fatta thoraklabadi IFCD amadi Manipur Govt na pugadabani.

Houjik oiriba Iril turelgi fibam asi yamna pukning nungsingai gi masak ni. Turel asigi manung da Top khonangmakhong da leiriba Porompat water supply gi water source area pang kang kangle, Khergaodagi Kangla siphai amadi sangomsang faobada niyom gi wangmada lanai mi oising na sendan lambi oina chaora chaoraba dam sing saduna esing thingjinduna over flow sing thattuna thamduna water supply touri.

Yengsinbinaba yaodaba asigumba mafamsing asi matam charingeisida yengsinbiduna meeyam gi awaba kokhanba amadi niyomgi wangmada esing supply touduna meeyam wahallibasing law gi matung inna cheirak fanghangadabani. Amaromda Meikei asomda leiriba water supply scheme sing thabak touhandana thambasu yaori. Masina esing likna amadi mamal leina sijinnabada khoirangba khoisaonaba faohalle. Masi pumba mari leinaba authority na matam chana yengsinbidabadagi thokpa ngaktani.

Tunggi oina asangba amadi esing matam pumbada fanghanmaba policy sing tourakpasu meeyam gi apambani. Turel khongnungda check dam macaha macha kaya marum saduna esing yokpagi thourang chahi asidagi houduna war footng da thabak hougadabani masi gi mari leinaba singdasu cherol piduna taksillagani.

Aroibada Iril turel gi akoibada tariba meeyam na houjik leiri esing khara asi Manipur gi meeyam punna awat pa samjinnaduna sijinnabada khudong chanaba turel da motsindaba , Thakna chanaba amadi fiju fijamba nachingba sing nattaba thadak singga mari leinaba sing matam khara thadoknaba, Lanai mi oising na pump sijinnaduna esing louribasing na khudaktagi leptuna mathou taba singtamak turel dagi esing loubinaba su khanghalli.

Hiram asigi damak Manipurgi CM amadi mari leibaba Deptt sing na thabal paikhatpiraknaba taksilli. Mari leinabasing na athubada thabak paikhatlaktrabadi meeyam na khudongchadaba kaya thengnarakpada Govt daita pugadabani.

Your,
Athokpam Muhindro Singh
Convenor, Iril River Development Committee.