On BT Road ShootOut 23/7
PR from Working Committee Of The Apunba Lup (WCAl)
OFFICE OF THE
WORKING COMMITTEE OF THE APUNBA LUP
PRESS RELEASE
25th August, 2009
July 23 Khwairamband Keithel gi tamthiraba mihat asigi maiyokta, Manipur gi Killer CM Ibobi bu Chief Minister gi pham thadok-u, criminal commando sing matik chaba heirak piyu, tamthiraba mihat asibu lotsinnaba hotnariba Police officer singgi mathakta matik chaba action loukhatlu, Apunba Lup ki phajinkhiba meeoi sing condition amata yaodana thadok-u haiba wakat singga loinana miyamna thaa 1 chupna khongjang kaya changsillabasu Killer CM Ibobi ikaiba machet amata phaodari, ahoinadum lanjadraba Manipur gi micham singbu hatnaba Chief Minister gi pham asi konduna leiningli.
Killer CM Ibobi gi nupi MLA Landhoni, nupimak oijarabasu mapuroibagi Mihat Leingak asida mapuroibagi thouna-lingjel hanthadanaba kanna hotnajari. Manipuri khunai asina leiribamakhei Killer Ibobi & Mihatpa makok ki loinabi MLA Landhoni bu nachil-nanao, nacha-nasu oiriba Manipuri singna kaoraroi, thamoinungda singduna leiragani haibasi kaodaba phei.
23/7 gi Mihat asiga mari leinana maral leiraba Mihatpa sing matik chaba cheirak pibaga loinana Khwairamband Keithel mihat asigi dyaita oiriba Killer CM Ibobi na pham thadokpagi mahutta Apunba Lup ki luchingba sing, thoumi singbu makha tana phajilliba amasung phananaba Manipur Police Commando singna koitan-tanariba asina miyamgi thamoinungda chahi kayagi mamangdagi omchaknaduna leirakliba pendabagi khollao asi namthaba ngamloi.
Manipur amasung India data natana prithibi pumbana condemn tounarakliba 23/7 Khwairamband Keithel gi tamthiraba mihat, Manipur Police Commando singgi kaa henjinba lichat-sajat asi Bharat sarkar gi luchingba sing, Bharat sarkar asibu himai chumlibi UPA gi Chairperson Sonia Gandhi na munna khanglabasu ngasi phaoba Killer CM Ibobi amasung criminal commando singbu kankhattuna thamli.
UPA gi Chairperson Sonia Gandhi, nupi amasung mama ama oina lamdam asigi nupi singna thengnariba awaba, thaa 7 ki angang naopuribi Rabina bu Khwairamband Keithel maktada miyam mamangda Criminal Police Commando singna chahi 2 khakta ngairiba machanupa gi mamangmaktada amasung micham Sanjit pu pharaba matungda kaptuna hatkhiba, pikliba Rabina gi machanupa na ngasi EIGI IMA PIYU haina mamabu kouduna kapliba asigi cheinakhol, Bharaki luchingbi ama oina, mama ama oina, nupi ama oina Sonia Gandhi gi thamoida minungsi amata phaodabana ngasi phaoba tamthiraba mihat asigi matangda karigumba wapham amata phongdoktana leiri.
UPA gi Chairperson Sonia Gandhi na mihat asiga mari leinana karigumba wapham amata phongdoktriba amasung Killer CM Ibobi bu ngasi phaoba kankhattuna thamlibasi, 23/7 thoudok hek thokpaga Killer CM Ibobi na Delhi da thuna-yangna chatkhiduna wachat-wanom touruba, lupa crore-crore katlubagira natraga Killer CM Ibobi gi loinabi MLA Landhoni gi pukchel Sonia Gandhi su chellabara haibasi ngasidi henna henna mayek senglakli.
Bharat ki luchingbi amani haina Bharat ki miyamna UPA gi Chairperson Sonia Gandhi bu ikaikhumnajarabasu, AFSPA 1958 ki makhada siphai singna lamdam asigi nupi singgi ijat manghanbiba, hatpiba, adutasu natana lamdam asigi Commando singna mirolabi nupi bu kaptuna hatlakliba asida minungsi machet amata poktrabi nupi asi Manipur da leiriba miyam maru oina Ima-ibel, iche-ichal nupi oibi khudingmakna mahakpu ikaikhumnapham thokte amasung mihatpa singbu sougattuna thamba nupini haina lougani.
Lamdam asidagi AFSPA 1958 louthok-u, State Terrorism leppu haiba wakat sing yaona tongan tonganba wakat kayaga loinana Apunba Lup na changsilliba ihou asi Manipur Police Commando singgi dhap macha-macha sing asina hangadaba nate, henna kanba ihou kaya maiyoknarakkhigani haibasi Manipur amasung Bharat sarkar gi luchingba singna kaothokpa chumloi.
Leikai/leikai, Lamdam/Lamdam singda miyamna wakat mipham, wakat khongchat, Meira gi Rally, sageigi meitan asiba singgi yaona Bharat sarkar gi luchingba singgi mitam mei thabana chingbagi khongjangsing asi makha tana adumak chathabiyu. Maheiroi khunai nasu ngasidi laairik tamba tokthoktuna ihou asida mangjil thana saruk yarakli.
Mihatpa Makok Killer Ibobi na Manipur gi Chief Minister oiduna criminal commando singga loinana sanglaba chahi kaya lamdam asida maraal leijadraba micham kaya fake encounter gi mingda hatlakliba asida Maheiroi khunaai na lairik tamduna leibagi wahanthok leirakloi.. Rabina amadi Sanjit ki maphamda tariba khudongthiba asi hayeng eikhoi eikhoigi yumdasu, eikhoigi iche-ichal, ichil-inao, ima-ipa gi maphamdasu soidana thoklaragani haibasi khangminnaduna Maheiroi singgi henna kanba khongjang ama changsinnaba maheiroi singna lourakliba phirep asi leibak asigi tunggidamak tangaiphadabani.
Yumthangnaba gi yum mei chaklaklaba phaobada, eihakti hayenggi exam gi lairik parini haiduna lairik paduna leithokpa yaroi, chaklakliba meigi meiri asina meiwairakpada lairik paduna leiriba yum asisu soidana chakkhigani amasung tangoi taminnakhigani. Masigumba phibam asida yum mei chakpa kangadara, exam gi lairik paduna leigadara haiba wahang asi lamdam asigi maheiroi singgi maphamda ngasi thoklare.
Lairik paduna leithoklabadi, chaklakliba meiri asina meiwairaktuna punna tumna mangminnagadabana, lairik paba tokthoktuna mei kanbagi tangaiphadaba leibagum Killer CM Ibobi amasung criminal commando sing na lamdama sida chatharakliba tamthiraba mihat sing, AFSPA 1958 ki makhada Bharat ki laanmi sing na lamdam asida chatharakliba miwot-minei, mihat-mipun sing asi thingduna eikhoigi Ima Leibak asi kangkhut-mutkhigadabadagi kannanaba maheiroi khunai su chongthoktuna mangjil thaba thoudang lounaba sem sabiyu.
Killer CM Ibobi gi Police Commando singna Maheiloisang singda chattuna Head Master / Principal singda Khwairamband Keithel Mihat asiga mari leinana maheiroi sing Ihou yaohanba yaroi, makhoina ihou yaoge touraklabadi khudakta Police pao pirakkadabani haina police commando singgi telephone no pisinduna Oja singda threaten touba, Manipur Police Commando singgi pangdaba lichat asi Apunba Lup na condemn touri. Makhut paiduna takpi tambiba ngamliba Oja singda police na asumna aki-akhang piba haibasi chumdaba thawongni, namphu-haphu sijinnaduna Oja singbu Police ki informer oihannaba hotnarakliba asi Oja singgi ethics ta yamna sok-i amasung usit-thawoidabani, Oja gi sinphamda leibiriba singnasu tuminna leisinbiba chumde haina Apunba Lup na loujei amasung Killer CM Ibobi gi Mihat leingak asigi maiyokta phirep loubiduna khongjang changsinbinaba haijari.
Lamdam asidagi AFSPA louthoknaba, State Terrorism thingnaba, Killer CM Ibobi mapham louthoknaba, criminal commando sing cheirak pinaba, 23/7 Mihat pu kankhatnaba hotnaba police officer sing cheirak pinaba, Apunba Lup ki phajinkhiba thoumi sing thadoknaba tongan tonganba wakat singga loinana Apunba Lup na miyamga loinana changsilliba khongjang asida henna kansinba phirep loubinaba tongan tonganba sinpham singda leiriba ikaikhumnajariba ireipakcha singda Apunba Lup ki maikeidagi nolukkna haijari.
Mihatpa makok Killer CM Ibobi amasung criminal Commando bu sougattuna lamdam asida Mihatpa na khulingba leingak thambada mateng pangliba, AFSPA 1958 ki makhada Bharat ki siphai singna lamdam asigi micham-miyam bu hinghat-hinghat hatlakliba asida montek-mondum da on-thoina, kumhei yengbagum yengduna leiriba lamdam asigi sageigi meital asiba MLA, Minister sing amasung Bharat sarkar gi luchingba singgi mathakta Apunba Lup na miyamga loinana khongjang sing leptana changsinkhigani.
Wafong Kanglup
Working Committe of the Apunba lup
This information is sent to e-pao.net by Oinam BK Singh .
The sender can be contacted at bkoinam(at)yahoo(dot)com
This PR was webcasted on August 25, 2009 .
* Comments posted by users in this discussion thread and other parts of this site are opinions of the individuals posting them (whose user ID is displayed alongside) and not the views of e-pao.net. We strongly recommend that users exercise responsibility, sensitivity and caution over language while writing your opinions which will be seen and read by other users. Please read a complete Guideline on using comments on this website.