Yengune phajadara sangsarse!
Magi lambel amada
eikhoi pumba theng-nare.
Leikol amatagi leirangum
achat chat-ta pum-namak
maphamsida pullare.
Wang-na pairiba chek-la sangu;
tumin lepliba chingsang;
magi napomda uchaan pareng,
sangsarsigi khudollakta yaorak-ee.
Madom ngaalliba korousu,
momonta nokchabi thajasu,
khallubara kanana nong-mata
amata oirare sagnsarsida,
theng-narare eikhoi pumba?
Yengune ningthidara taibangpanse!
Makhal kayana tilliba;
leichal kayaana pulliba,
pum-namak-na thung-laba,
chatkhini nongmadi loinamak
magi magi maphamda.
Nungsiba kanagi mawongda
momon minok tamjaba;
houkhraba kanagi warida
tak-si sonna leihouba;
taibang magi hounasa
nang eina khaam-luba ngambra?
Yengune nungsidara punsise!
Matam magi khongchat-ta
kayaadi ngaona chelliba.
Kainakhraga helli nungsiba;
taam-nakhraga helli wajaba.
Ngarangi houkhraba wari
punsigi echellakta tinkhare.
Ngasigi angaoba matousu
nason pikna chat-khrani.
Hayengdi kari oirani
kanana haiba ngambage?
Yengune ngak-tra mee-yoipok!
Kalak meehou marak-ta
lepte haat-na sunaba.
Oijaba kayadi thiba meeoiba,
ahenba ngaak-ta tallingei
malem madi wajare.
Eigi eigi khallingei
mapok-simadi loikhrani.
Khangdabra pum-namak,
nongmadi eikhoi kainarani?
Leiribara mapok ama
amuk nouna unagadaba?
|