Chakliba Thammoise Eigini Magi Natte
- Part 5 -

Dr. Moirangthem Jiban Singh *

Sur: Da, wa ama hang-ge saogadra? Da-gi nungsinaba leijabra?

Krishnananda: Adubu karigi saodoino. Eigi nungsinaba………………..;

Sarmila: Da, keidourage tuminna leiradi? Eekairiba haiduro? Eenamma oidoido kanano haibane?

Krishnananda: Eekaiba natteda. Eigi nungsinaba lei haibasu yadri. Amaromda, leite haibasu langani. Masi sanglaba warini. Kannade, tumlasi. Hayeng thabak nganta chatnadoini. Nangsu tuition chattoi natra. Tumhouro, da-su tumlurage.

Sur: Da, Yade, ngaikho. Please……

Krishnananda: Fare-fare, eechanna yamna taninglabanina, hairage taro. Ado, wari loidringeida tumbadi yaroi, thenglasu thengna tagadaba. Ngamgadra?

Sur: Um tage-tage houro.

Krishnananda: Matamdo ei class 7 khaktamak kari. Leikha boi-gi aroiba chenada heita-heitana punsigi ahanba nungsi chithi ama ikhi. Masu angang oiribanina chithido gyan taribra, tadribra khangdre, loudama lousingkhi paokhumdi hallakte. Paokhum piraktrifaoba eisu hanjin-hanjin pisilli. Chahi anigi matung eina class 9 karakpa matamda magisu ahanba oina paokhum hallakkhi………………….

"Da,
Da-na chachanbu nungsibi takpirakpado eigidi eeraibak fabani. Masina eigi punsigisu ahanbani. Adubu, Eikhoi angang khara oimalli matam kharadangdi ngaibiyu. Eikhoi mapung marei farabakanda amuk nungsi pamennasi."

Chahi ani chupna ngaijarakpa mahakki paokhum tabada ei hainingai leitana penjakhi. Tungi khallagadi mahakki paokhumse chummi khalladuna lairik laisu ningthina tamduna, matik chaba mee ama hanna oibana fare khanjakhi. Mahakki ashada anouba manglan ama mangba houjakhi. Karigumba lambi-lamthongda thengnarabasu, magi paokhumbu ikai khumnanaba hotnabada, 'Momon Nokchaba' nattana ei mabu hangatna yengjabafaoba ngamkhide. Thammoi sengna mabu nungsirubana, eina magi paokhumda adukki matik thajakhi, ikai khumnakhi amasung chaothokchakhi.

Sur: Da, Nupido Maming kari kouge? Ningthoukhong kari leikaidagino? Masak yam fajaramgadaba malliko.

Krishnananda: Maming-di haidokpa yadri, konna haige. Um, masaksu eigi mittadi yamna fajei.

Class 10 loiraduna ei 'Johnstone Higher Secondary, Imphal-da makha lairik tamthanaba chatpa takhi. Chatlamdaigi matamduda eina mabu amuktang unanaba hotnakhi, adubu aremba takhi. Imphal-da hek leikhibadagi eigi awatpa amadagi Ningthoukhong-da toina lakpa ngamkhidre. Karigumba laklabasu, numidang last bus-ta laklaga amuk mathang numitki first bus-ta hallakkhi. Eikhoi ani amuktasu sak-mai unaduna wari sannabagi matam fangkhide. Adubu, post-ki mateng louduna ei tattana magi mafamda Chithi thabadi lepkhide.

Sur: Manadi da-na thakhiba Chithi-singdugi paokhumdi hallakpra.

Krishnananda: Hallakte!

Chahi anigi matung PUC (12th Std.) loiraduna ei amuk Ningthoukhong-da magi asha puduna hallakkhi. Nungsi maithong uningbana langtaknakhi. Mamannabigi mateng louduna mabu unanaba pao chenkhi. Lakte! Anisuba oina amuk chatli, adusu lakte! Ahumlak-suba oina mamannabiduna soidanaba sillamlage haibaduda eisu aroiba oina chatli. Adusu leiramdre! Ei ikaibana toufam khangkhide.

"Maga-eiga nungsinnabasu nattana karigi unadoino, darkar oide, arembada matam mang-halliba. Laira-chudatnaba maga eiga nungsinabadi hairunu, mangdafaoba uningde. Masak khuthiduga, marandi paidana, aa-u aa-u nupi masak fajaba-kasu pamlliba. Amuk hanna yetlanu haiyuko"

Asumna haiheidaba wahei kayana eibu cheiramlaga chatkhre haiduna mamannabiduna nungaitana tamlakkhi. Magi taheidaba waheisingdo tarubada ei mabu henna unaningkhi. Adubu, ei wa amata ngang-khidre, ngangfamsu khangkhide, tumminna leijakhi.

Meenamba! Aduk yamna meenamba, eibuna matam ngaiyu haiduna ngaihallaga, mana houjik ngangtho-raklisiga eidi ngakpadi lairadana tukkachaba, tujungba amadi akibasu faokhi. Mana eingonda cheiramliba waheisingdo atoppa-da oiramlaba-di sinaragadabani. Adubu, eidi kanada tainaruni, tainafam leite. Eina mabu thammoi sengna nungsirubana magi aningba-apambada ayetpa pibasu pamkhide. Nungsirubana eigi eeranni khanjakhi. Lairabana eigi yeknabani lepchakhi.

Sur: Da, nupido kanano? Khangningbana loire. Kayada chaokhat-triba! Dada-da sakh-thiba, lairaba-chudatnaba kaina, mabu masak kayam fajage, peisa kayam paige? Ha!

Krishnananda: Um mapado peisadi khara asum paiba malle.

Nungsirabadi thirabasu fajei, nungsidrabadi fajarasu thi hainabaduni. Mana eibu nungsidrabanina, thinasu adum ukhre. Sak thiba-fajaba haibasidi iswar-gi khudolni, eina semtokpa ngamloi. Sak thijarabasu Johnstone Higher Secondry-gi achangba chhatrani, Manipur pumba khubakta happtuna puningba maikeida puribani. Secretary ama oina eigi sang-ga paklaba eepak-kum mapan naide. Nupisu adumangai, peisasu paibi, masaksu fajabi, gyansu tabi amasung maramsu mokpi Tampha Sana, Iboton Sana & atoppa secondary kayagi chhatri mayam ama eigidamak pambom tingduna leplibani. Adubu, eidi makhoising-do amata naksinnarude. Maramdi, eibu nungbiba khudingmak eina ikai-khumnaba utcharabasu, nungsibadi ama-khaktani khanjakhi.

Sur: Da, dagi wakhalsidi angakpanihe. Atangbani.

Krishnananda: Da, ahing tumba yakhide. Nongallamdaida hougattuna eema-pabung-bu lapna khurumlamlaga kanasu taklamdana ei amuk imphal-da yourakkhi. Panthaba toudana, Thangal Bazaar-da leiramba bus amada amuk Guwahati-gidamak Manipur thadokkhi. Ahing thengna Guwahati-da thungbadagi ei toufam khangdana eesing khara thakchillaga train station-da yairekkhi.

Sur: Lorde amada leiba yadro. Train station-da tummi haidubu fataba mee thengnaradi siroidro.

Krishnananda: Um, chummy eechanna haiba, adubu Leijaramba peisa ayambadi eemagi mombak makhada eemagi oijarasanu haina thamlamle. Khutta peisasu yamna yaodabanina toufam khangkhide, wakhansu thokkhide. Manipur-da amuk hallasira khalli, bus charge-su suna yaode. Ngeihak khanjanana leiringei, ayuk pung 6.30 da plate form no. 6 tagi chatlamdaigi makhol houna khonglakpa train-dugi manak tamna chensilli. Siba kibadi lairadana, ticket-su yaode, general compartment-da kakhattuna 21st May 2001 da ei Bangalore-da thunglakhi.

Sur: Oh! Da, wadabra? Police-nakadi fadabra?

Krishnananda: Yamna wakhi. Police-nasu fai. Adubu Johnstone da tamlingeida police commando-ga toina mukna sannaduna lakpanina karisu thousabide. Peisa yaodrabanina khara nganglaga adum thadorak-i. Compartment-tuda tonglamba Karnataka machasing-ga marup sannaduna, afang-afang-ba pot-chei yenna-yennaduna chaminnaduna lakkhi.

Asumna, Bangalore thunglaba tha ama-anidi eisu leifam leitaduna afang-afangba mafamda yairektuna, afang-afangba chaduna lenkhi. Yumdasu pao-pikhide. Kharana eibu naharol yaokhre cheinakhi, kharana sikhre sonnakhi, kharana mangkhre kinakhi.

To be continued ...

**** Wari asi houjik-houjik hingliba meeoi 2-gi punsi khongchat-ta yumfam oiduna ijakhibani.
Wari part by part oina meeyamda khudon tamjage.

Wari asi Krishnananda-gi punsi khongchat-pu saruk kaya thokna khaidoklaba matungda, thengnakhiba 'nungsi-nu-ngon-gi' saruk matek amabu meeyamda khudonjabani. Atoppa saruksingdusu soidana khudonjarak-khigani. Masi kanabusu hakthengnana/nakoinana singnaba natraga karemnajaba nachade. Wari asibu kupna neinabiraga punsida tougadaba/touroidabana karino haibado ningsingbiyu. Wari asi ibada yaokhiba asoi-aran khibik ngakpigani. ****