Monitoring Cell Students' Union - Election Scrutiny
Date - 22 October, 2016

JSCC NA SEMKHIBA MONITORING CELL STUDENTS’ UNION ELECTION, 2016-17 NA NGASI COLLEGE ELECTION SCRUTINY DA AYET APAN AMADI KHUDONGCHADABA SING THOKTANABAGI DAMAKTA COMPLAIN REPORT TOURAKKHIBA COLLEGE SING CHATTUNA YENGSINKHRE.

Lakliba October gi tang 25 da pangthokkadouriba College Maheiroi singi oiba Students’ Union Election asiga mari leinana ngasi College ayambada mapum faana Scrutiny pangthokkhre. Scrutiny asiga mari leinana Scrutiny mamangda pamdaba thoudoksing thoknakhibagi report mapum oina Monitoring Cell Students’ Union Election gi Helpline number da lakkhiba complain amadi written complain singda yumfam oiduna ngasi Monitoring Cell gi Convenor na luchingba team singna College singda chattuna College ki Election Committee amadi Principal singa akhannana unaduna hanna leiramba chayetnaba amadi charangnaba sing loisinduna Scrutiny sing yetnaba yaodana pangthokhankhre. Mapung oina chayetnabadagi loisinkhiba College sing adudi:

1. Naorem Birahari (NB) College ki oiba maheiroisingi marakta thokkhiba thoudok adu Monitoring Cell na Election gi RO amadi Election Committee ga famminnaduna on spot enquiry ama touminnaraba tungda thoudok aduda chennariba College adugi maheiroi singda amuk hanna khatna cheinaba thoktanaba cheksinwa thamkhibaga loinana, College asigi maheiroi nattaba uniform settaba meeoi singna College ta namfuda changsinduna Principal gi office ki pot cheising yaona amang atta thokhankhiba amadi yamna Criminal oiba thabak sing chattha khiba adu matungda amuk hanna toudanaba Monitoring Cell gi maikeidagi khanghanli. Ngasi mapum faana wathok lanthok yaodana Scrutiny pangthokkhibada Maheiroi pumnamakpu Monitoring Cell na thagatpa fongdokli amadi Election numit tasu eengna chikna pangthoktuna achumba matikchaba Union Leader khanbada pumnamakna saruk yaaminnasi haina khanghanjari.

2. Thambala Marik College ki oina leikhiba wathok adugi matangdasu ngasi ayuk anaganbada Election Committee amadi Monitoring Cell gi member singa famminnaduna yaasinnkhibaga loinana Election Scrutiny mai pakna pangthokhankhare, amadi masigi damkta College asigi maheiroi sing amadi Election Committee gi member pumnamakpu thagatpa fongdokchari loinana Election fajana pangthokpa ngamnaba hotnaminnasi haina ningsingjari.

3. Biramongol College ki oina, Candidate oina thokcharakliba maheiroi anibu masak maming khanghoudaba DESAM ni haina asokpa anagan asina hairiba meeoi singna siba yaaba makhei fubiduna ahing athengbada thadokraktuna JNIMS Hospital da laikatnaduna leiriba asi gi thoudok asi yamna nungaitaba Maheiroi gi punsida khwaidagi laibak thiba thoudok amani haina Monitoring Cell na loujei. Maram asina Lup Lup ki Advisor amadi Election Coordinator singna keisu khangjadriba Maheiroi naha singda insinduna makhoi masel emu naimu taahannnanaba keidounungda sinbiroidabani amadi sinbidanaba haiduna Monitoring Cell gi maikei dagi appeal toujari loinana Maheiroi singnasu mee na insinlaga noina khatnabagi thabak asi apangba taaduna tokkani haibasi khanthabiraga toubidanaba ningsingjari. Hairiba thoudok asiga mari leinana oirakpa Biramangol College ki chayetnaba adusu ngasi Monitoring Cell na chattuna Election Committee ga famminnaraba tungda yaanaba ama purakminnaduna Scrutiny mai pakna pangthokhankhre.

4. Mordern College ki oinadi Maheiroi khutpu amana College ki Election gi Seconder amadi Proposer oigadaba maheiroi singbu masak khangdaba meeoi singna faajinduna thambikhibagi wakat laktuna Modern College ta yengsinba chatlubada College ki Principal na Monitoring Cell bu Gate tagi changhallakkhidaba adu yamna laibak thiba thoudok oikhi, maram asina makha taarakpada Modern College ki oinadi College manungda thoklakpa thoudok wathok khuding makki responsibility asi Modern College ki Principal na pugadabani. Adubu College asigi wangmada thoklakpa thoudok singi oinadi Monitoring Cell na adumak yengsingani. Modern College ta Tribal maheiroi kharana force amadi threat touduna masagi democratic right oijariba Tribal maheiroi kharada makhoina masing helli haina namfuda Vote leppa yaaroi haina haiba na chingba yamna Gundaism gi oiba thabak thouram sing asi Modern College ki Principal na sougatli haina Monitoring Cell na di loujare maram asina matung taabada thoklakpa khatna cheinaba amadi muknabagi thoudok hek thoklakpada Modern College ki Principal Oja Biren na Pugadabani.

5. GP Women College ki oinasu Scrutiny pangthoklingeida chayetnaba thoklakpadagi Scrutiny makha chatthaba ngamlamdana leirambagi pao College ki maikei dagi pibirakpadagi Monitoring Cell amadi Monitoring Committee gi Convenor na luchingba team sing changsinnaduna Election Committee, Monitoring Cell amadi Monitoring Committee ahum makna punna amuk review touminnaduna Nomination paper gi chayetnaba adu check touminnaraba tungda makha chatthanaba maikei animaktagi ayaabagi khutyek touduna yaanache piduna GP College Election Committee da sinnaduna Scrutiny mai pakna makha chatthahankhi. GP College ki maheiroi singna nakpak taanaduna khatna cheinaba thokkhiba adu apunba maheiroi gi lup khudingmakna yaanaduna sinlaba poram aduda madugi maayokta amuk onkhattuna oja gi mamangda touheidaba thabak mayam ama chatthaduna toukhiba adu Nupi Maheiroi gi lemjaningai oiraba College aasigi oina khwaidagi masak thihanba thoudak amadi oikhi, maram asina GP College ki maheiroi singna yamna chinglemna apam apamba matik chai haina khanba Candidate aduda Vote pibuna nakhoigi Leader khannaba achumba amadi eengtappa pambei sijinnaduna Election pangthoknaba hotnaminnasi masida pumnamakna mateng pangsi.

6. NG College ki oinasu Proposer amadi Seconder gi oiba chayetnaba leiramba aduda Monitoring Cell gi team changsinduna loisinkhi amadi Scrutiny mai pakna pangthokhankhi.

Monitoring Cell gi oinadi pangthokkadouriba College Students’ Union gi election asi khwaidagi fajana amadi chayetnaba erang thoktana maheiroi asok apan yaodana achumba kanglon aduda ngakna chathannanaba hotnabani maram asina lakliba Octobergi 25, 2016 da pangthokkadouriba Election asida aranba amadi meeyamna yaadaba maongda hotnaduna Vote kaananaba keidounungda hotnabiganu amadi matik chaba maheiroi khunnaina yaaba meeyamgi Union leader khanbada pumnamakna mateng pangminnasi haina thamjari.

(S. Prakash)
Convenor
Monitoring Cell Students’ Union Election
2016-17