Pendraba Punshi

Puyam Nongdrei *

Huranbana leingakpa leipaksida
Huranbagi huiroi marakshida
Achumba pamba nakhoidi
Hingbatai punshido keishumshangda
Pamlubagi ashengba-achumba wayel
Fanglibani cheirakto poklubagi lamdamsida.

Sel louraga huranbadudagi
Famhallabadi wayelshangda mahakpu
Huranba-hurandaba anigi wayelda
Sougatkhiba tabani huranbana huranbabu.
Ishagi langda ishana thujabani;
Nangna toujabana nangna fangjabani.

Wakat ehou houribasingna eikhoigi
Mantiknarabadi ehougi mamal tattana
Amamba kanungda leingakpasingduga
Thorakpa tabani 'wakat ehou' leeshing leeshing
Mamal piba yarabadudadi, selna leiba fangladudadi
Leipak kummei oina yengnarabasidadi.

Naru nayang kemna neithatpiraba tungsidasu
Uphul-lakta khongnetnabirabasidasu
Mapugi khongdon lektuna khaanglidunadi
Oirambatai nakhoisu huranba mapugi
Huranba manaika haibado.

Nang-eina huranbadi toktana
Hurandaba saduna changsilliba ehouse
Huranba leingakpasing-gi mayokta
Laothokpatai natte haiba ehouse meeyamgi
Themjinkhibatai nang-eitagi nungainabani haina
Huranba makon kairaga huranba mahum sajage
Tamlubatai khangjadriba makhoina saodanaba.

Chahi manga-gi leingak chuplidi shinnathokhi
Pambhei leitraba tungshida eikhoina
'Hoi-mai' haiba khongfamna meekhalda
Leplabada nang-eigi 'Shiba-Changba' lanfamshida
Kaothoklasira mitkupto thoudoktugi
Senjao paiba makhoigi sengao-dagi
Nakhut-ikhut tingthoktuna loukhiba
Meekhal-meerepki senyendo ngaihaktang-gi.

Punshigi mamalbu mantiknaduna hingliba
Luchingbasingna lamjingduna hingninglaga
Karigino amuk laoriba ngashina pendabagi 'khollao'?
Handok-hanjin ngamlaroidaba pungfamsida,
Tabiraroi khanglaba matamsida.
Lak-khibadi natte makhoina pambei-lousingdo
Munkhibani lounam-namthakna selgi
Pangtharubani meeyamsu selgi mayaina.

Hanna-hanna kat-thoklibasini makhoida
Nungai-yaiphaba eikhoigi punshigi
Yonlibasini thawai lookmaida haptuna
Adunadi chenlambatai nang-eigi eeda
Huranbagi heinaba aduga khallambasu yai
Meenai naithang-gi punshirolbu pamjana.

Achumbabu achumbani yetpa ngamdraba lamdamsida
Aranbabu achumbani sougatliba khunnaisida
Kari-karamba ehousingno houriba-
Eikhoigi, nakhoigi amasung makhoigi haina
Panthung amattagi wafamdi kaothok
Eikhoi maselgi muknabasina hairibase karino?

Huranba mapugi machum thak-chaduna
Noi-pellaba huiroising adudi
Ningsingdre sharutana yomlaba ngarangi mashado
Oikhre mapu ningba mapuna nungshiba hui
Kaokhre meenaini haiba makhoidi
Meenai oiriba khunnaisigi meeyambusu.

Luchingbagi luhoopti ooplaga
Luchingba karino khangdrabagum
Ningjing-mangjingnaraba lamjing-lamtakpasingna
Shou sarakle ngashidi eikhoigi ereipaksida.
Mapu sabasingna lanna lamjingbikhraba meeyam,
Hanglaroidra karomdano chenthariba ichelse puwarigi?
Khorjei muknadi kangsillak, ahangba chebangsu loisillak
Ehousigi panthungdi ushillakta
Mangkhradara puwarigi ichelse eikhoigi?
Mutkhradara eikhoigi khonggulsu malemdagi?

Pukchel pikpa wakhalna lamjing oi,
Mityeng sandaba thouong-thousilna
Chingthok-chingsilgi lanfamsida eikhoitagi
Ning-kha tamna wakhal khanjabasu ngamjada
Chummi-lalli yetnaribasigi cheiraksida
Achumbadi nongma-nongmagi shamjillak-pagumkhre.

Kang-khong chaina mutkhrabadi khunnaisina nongma
Khikcharamge pee matum amatangdi
Ema nangi natambaksida soidana
Pendraba nachagi punshina hinglingei
Thammoi lakadubu ing-hanba ngamdrabasu
Utcharamge emagi mafamda tollabana
Nungshijei haibadutangdi thammoi sengna
Lairabi ema nangbudi nachana
Punshigi aroiba mitkuptu phaoba.

Poets Words:

Thank you very much for extending your e-pao platform to showcase my poems. I have been writing my poems thinking that through literature also i can reach out to those souls who have lost contact with our society. If we love Manipur we must be knowing it well and also knowing its problems. Do we love our Manipur really?? My poems are meant to show that i really love Manipur--the flower on the lofty hill. And e-pao team also loves Manipur very much.