Meikhurakki Punshi

Puyam Nongdrei *

Meikhu haiyu nang kanono?
Maikei khudingmakta khuriba
Mapham pumbada mamhalliba
Meikhutana thallaba ereipaksida
Tammu eingonda nangi napao
Khangning-i asengba saktam nahakki.

Meikhurakta hingliba eihakti
Pamle Meikhu nangtabu khangjaba
Mitarude Hee-Yaina chollaba
Langeido pukeido makhoigi
Chakthekladouba nangi omchakliba meiduna
He meikhu Hairo nang kanano?

Nongjuthagi matamda laira
Khangpokshangda kanagi
Achotpa Singja thabagi thorakpa
'Chaksang-Phunak' meikhura?
Nattraga, Kanglup naiba wakhalna
Machoi-machoi naihankhraba
Khunjasingbu Yumhong Talliba Adugumlaba nungshi khangdraba
'Kalak-yengthi' meikhura nangbu?

Meenungshi khangdra mapuroigi
Manemgi theeraba meecheilakta
Awa meisa khangamda
Thawai thakhra Tollabigi
Polloi meikhura nahakpu?

Adum oidragana, he meikhu
Yachanglakpa matamda
Yumthong yumthong khudingda
Taibang mapubu khurumjabada
Meital-tikki kambidagi karakpa
'Mekkruk meikhu' dubu nahakla?

Nattraga, Kumgi nongna laktringei
Loibi-Chingjao napomda
Chingmee ereicha kayana
Pamlou mafam semnangai thaba
'Lammei meikhura' nahakpu?

Taibang kummei natheiduna
Mayai kabagi ipaakta lup
Nanthak Khutta chetna pai
Ganja thakpa kanana kamthorakpa
'Ganja Meikhubu' oiridara?

Amuksu, Lourok-Pantha loiduna
Khari-loubukta peiriba
Charu phudit mapei chakpagi
'Charu phudit Meikhura'?
Nattraga, Ningtham ullen marakta
Ingkhol kachin oirapna
Napi-Una khomduna
Ningthamgi ayingba koknangai
Hanu-hana kanana thaba
'Meihou-meitik' meikhunibu haiyura?

Chekkonda chek sabasingna
Yaipha-Nungai Tankhatlakpa
Athoi-ahen pamba kanagi
Mongba maranyai lepnangai
Chekki Yumthol sana-ngai
Chek mei thabadagi thorakpa
'Chekphu meikhuni' khallora?

Khuraba ngamlaba chinglambhida
Lokchap-lokchao lanna chat
Pamel Ujao chingthorakpa
Hanu cheishu khongthangumlaba
Ningsha Phuina honliba Gharigi
'Thaochak meikhuni' lourashira?

Nattraga, Gaan-ngaigi ahingda
Khulgi Pakhang leisha kayana
Harao-mathoibu phongdokcha
Jagoi-esheigidi marakta
Meijao-meibul houbadugi
'Harao-mathoi meikhuni' khanlasira nangbu?

Adu oidragana, Yaoshang
kummeigi numidangwai
Angang-nubisingna charu-yendou
Shangbu sa, Nungai-marang kaina hou
leikai khudingda tharakpa
Mara nangbu 'Yaoshang khangpok meikhu?

Tumit-kangna kanbakan
Yumburoiba kanana
Khomlen tumkhul tandringei
Numidang chakchamang oirapna
Kaoren-Iroi sangonda tharamba
'Kaangmei meikhudi' oidabara?

Adungei nongchup haram pangbalam
Sylhet masaikondagi khonglenglak
Meetei Puya aruba Kangla Uttramangda pei
Nongkhrang Irupnakhingei waram takpa
'Puya Chakpei' meikhuduni haiyura?

Nattraga, he meikhu
Nangbu nungshi heitraba
Ningtam ehourakta eikhoigi
Chaina-pungda eramdamgi
Yekna langoi chanduna thawai thakhra
Makhoibu chaktheklakpadagi thorakpa
'Athou khambi meikhuni' haisira?

Ngarangta mathok karakpi
Leisha pukak chaojarabi Chanurabu
Ikai-Phiruk khumhankhibei
Neihatpikhraba thawaina hundoklam
Mamal leitra Hakchangbu khainaram
Malang tung-in koirei-leina pairiba
Nuragi Lingjel khambi meikhura?

Amuksu meikhudura adugumlaba
Hanu parei challaba punshi makmei oiraba
Suba-nomba shintha lep
Taibang Kummei pamdraba
Mapugi khuyakhabu Tanjariba
Ahalgi mapok thadok-lam
Anouba mapokmagi paodamliba
Atiya kheina karakpa
'Amang Tharei Kumba meikhu'.

Mafam khangda manghanbikhraba
OOna-oona setnabikhraba Pari-mamom
Mara Khong-gul lijariba
Thamoi-meichakna katheklaba
Palem-panthoubu tengbang
leirak-Khullak-Lambhida
Wakat ehou houribasingna tharakpa meigi
'Wakat meikhu' koubanibu tamlora?

Adungei Awa-Meetei huieyen lanna kan
Chahi taret khuntakna-ngei
Mapu pandra lamdamsida
Awa meehat thibasingna
Meihum-morok thakhibadugi
'Morok meikhu'bu nattabara?

Haiyu he meikhu
Karamba saklonda kari paojenbu chenbano?
Awa-nungaigibu lakpara?
Ashi-anagibu thorakpara?
Meikhutana thalla eigi eramdamsida
Pummam mamhallaba khunnaisida.

Adubu kadai Kumgi nong
Muthatnaba meikhuse
Kadai chatkhre Nongoubi chekla?
Kadom lotkhrabano madi
Nongtabu innajabi- 'Nong-in'?
Kouraroidra Kumgi nongju?

Amuksu khangde he meikhu
Nungai-marang houna khuriba meikhura?
Harao-mathoi kabagi meikhura?
Tade, Ude, Khangde eihakti
Aduna kourugani karamna
Kumgi nongju mabusu
Aduna hangli amuk-kasu he meikhu
Nang kanano, aduga karinongibu khubano?
Takpiro eingonda chithadana
Hingliba meikhurakki amambalaksida.

Poets Words:

Thank you very much for extending your e-pao platform to showcase my poems. I have been writing my poems thinking that through literature also i can reach out to those souls who have lost contact with our society. If we love Manipur we must be knowing it well and also knowing its problems. Do we love our Manipur really?? My poems are meant to show that i really love Manipur--the flower on the lofty hill. And e-pao team also loves Manipur very much.