Ningol Chakoubagi yaipha paojel pijari
- 29th October, 2024 :: World Meetei Council -

*

Kumsi 2024 gi Ningol Chakoubana lakpada iche-ichal ningol oibisingda WMC Manipur Unit na yaipha paojel pijari.

Houkhiba kumja 2023 May 3 dagi thorakkhiba phurupki akanba irangna maram oiraga mee lishing humphugi mathakta mayum-makei mang taktuna iramdam-da refugee oihanduna relief campta ngasi faoba mitlu pirang kangdana lel-lakli. Ngasidi eikhoi gi khunailon, sen-mitlon amadi punsiron-da kham thengna cheitheng pirare.

Driver, handyman na mashagi sinpham oijaramba kaya namduna thadok-hanle; Lou-ubana sinpham oijaramba kaya loupham changba yahandre, mana-masing yonjaba ima-iben yaona apikpa potpham phamjaba kaya nongmagi khutlam-khang koudabagi pao eikhoi na tari.

Lai haktaktagi chatnarak-laba mabung-moupa gi mari chetsinhanba chahi amagi Ningol Chakouba houkhiba chahida pangthok-khidrre. Awa-ana kaya leidunasu kumsi chahigi oinadi ningol chakouba pangthoklagani touribasida nungaiba fongdokchari. Ichal-iche ningol oibisingda mabung-moupa oiriba eikhoi pumnamak na ishagi iramdam gi pothokna achamba khudol piduna machin-moupagi gi nungsinabagi mari chetsilhansi.

Senthok marang kaiba ereichasingna mamal yamba khudol pot pibagi mahutta relief camp ta leiriba ichal-iche singna sajaba potlamsing loubiduna ningol-pibagi khudol pot oibiyu, laibak thiraba relief camp da leiriba ichil-inao, ichal-iche singbu mateng pangbiyu, nungsibiyu.

Numit asida ireipak iramdamgi-damakta thawaina pontha pikhraba thouna phaba-phabi singbusu ningsingminasiko.

Aroibada Ningol chakoubasina mabung-moupa gi mari chetsilhanba, ing-tappa, tangdu-leitaba purakpa oirasanu haina Lainingthougi maphamda WMC Manipur Unit na thounijari.

Urikkhibam Kunjo Singh
President
WMC Manipur Unit