Hingminanaba poram yatpana Mera Hou Chongbagi Pandam oihansi
- October 16, 2024 :: World Meetei Council (WMC) -

*

"Lamdam asida leiminariba yelhou phurupsing tung koina mutpa naidana hingminanaba poram yatpana Mera Hou Chongbagi Pandam oihansi"

Lamdam asida leiminariba yelhou phurupsing punsinduna chahigi oiba achouba thouram ama oina state ki oiba thakta Mera hou chongbagi thouram sana konungda ekaikhumnajariba Salai Taretki Pibarel Leisemba Sanajaobana luchingduna chahigi pangthokpa mamal yamlaba leisemlon-ga mari leinaba thouramni haina loujei.

Hayeng Oct gi tang 17, 2024 sagolsen numitta sanakonung da pangthokadouriba thouram asidasu WMC na yaipha paojel pijari. Yelhou phurupsing sigi manungda ST gi wangmada leiribasi Meetei khakta ngaihoure, masimakti Meetei gi oina laibak thibani.

Democracy chatlaba achouba leibak ama oiriba India gi phibanungda tilluraba matungdagidi iramdam asida ahongba kaya leptana lakkhre. Mapal lamdagi changlakpa meetopki safuna henjilaktuna hanna leijaramba yelhou phurup kayagi saktamda ahongba kaya lakkhre.

Jirida yelhoumeegi mahousagi oiramba saktam mangkhre, masing yamba phurupni haina lounariba Meetei asukki matik sonthare, natki oiba thouram-thouda maka lamna pangthokpa ngamlaktre, saroi khangba phaoba meetopna thugaibire.

Kari amuk haigani political power phaoba Meetei gi khuttagi chatkhre. Shaktam asimak Imphal valley dasu mathang-mathang oiraktuna chahi 20/30 matungdadi Tripuradagi Tripuri mutkhibagum Manipur gi leimaidagi Meetei mutkhiba yai.

Maram asina leiminariba yelhou phurupsing na 1951 dagi phangduna laklaba ST gi ngaklou adugi manungda Meetei busu punsinbinaba mera hou chongbagi thouram asida phurup khudingmakna amata oina warep loubiyu. "Manipur da Meetei gi khongul mutlamdaigi tangkak yourakle " haina Assam gi CM Himanta Bishwa Sarma na laoraklibasibu eikhoina taroidrane, nungsa thifam thoktabra.

Ngasimak Meetei amasung Kuki anigi marakta thokliba laan asigi hourakphamdi ST ni, pifam thoktaba kuki da piruba loufam thokpa Meetei na ST louhouda ba. Meetei na ST changlaba kanda thokliba laan asi tapna-tapna matam chupagi oina nemthakhini. Jananeta Irabot makna yamna nganna hairammi - "Indian Union da tillaba tungda Manipur gi ching amasung tam manaba Adhikar da leiminagadabani, nattrabadi matamgi oiba charangnaba kaya lakani."

Maram asina meetei bu ST da pusinba aduga leiminariba yelhoumee singgi maraktsu kanana phibam phari, kanana sothari yenglaga tung koina leiminaba yanaba poram yatminarabadi Mera Hou Chongbagi asengba wahanthok leigani. 2026 delimitation gi mamangda Meetei bu ST da pusinhoudrabadi yelhoumee singgi marakta khawaidagi thuna mangkhiba haibadu Meetei na oigani.

Urikkhibam Kunjo Singh
President
WMC Manipur Unit