In solidarity for protesters against Citizenship (Amendment) Act, 2019
18th December, 2019
Houkhiba numit manga-taranisigi manungda India gi Parliament House animakta akanba mawongda debate tounarabasu India government ki akanba safu na maram oiduna pass toukhraba Citizenship (Amendment) Bill, 2019 asibu India gi President na ayaba piduna Act onkhrabasu hairiba Act asi India gi Constitution gi chatna-kanglon, maruoina “Right to Equality” da singnaba amani haiduna maikei kayadagi Act asibu yaningdabagi kholao amasung masibu withdraw tougadabani haina changsillakliba khongjang khudingmak Manipuri Muslim Online Forum nasu sougatpaga loinana Jamia amasung Aligarh Muslim University, loinana Assam amasung Tripura da thokhiba hingsagi thoudok aduda asi-ana amadi asok-apan nanglabasingi awabada forum asina saruk yari.
Lamdam asida hingminnariba kanglup kaya asigi manungda supnatanggi Muslim community bu natheiramlaga Afghanistan, Bangladesh amasung Pakistan da Religious Minority oiduna dharmagi oiba muknabada cheitheng fanglaba Hindu, Sikh, Buddhist, Jain, Parsi amadi Christian singbu India da changjafam pibata nattana Citizenship pigani haiba asigumba achan-mirai naiba wakhalonda yumfam oiba Citizenship (Amendment) Act, 2019 asi India gi Constitution gi leijariba secularism gi spirit asigi wangmada oibata nattana masi kanglup amabu atamnana leibak asida minority oiribasigi mathakta khongul mutkhinaba sillakpa thouwong amani haina loubaga loinana masigi Act asi chatnaba yaroi amadi withdraw tou haina Manipuri Muslim Online Forum nasu mari leinabasinggi pukning chingsinjari.
India ga yumlonnariba leibak Myanmar da dharmagi oiba afongba atyachar kayada punsi hingnaba lanjellakhiba Rohingya Muslim singbudi karigi Act asina konsinbidabano hainasu MMOF na hangli. Act asina konsinduna makhoibu Citizenship pibibagi wakhaldi lairadana supnatangi Refugee oina matam khara sakhangbiyu haibadafao tabikhidraba India government na ngasina karigi Muslim nattaba atei dharmasingbu konsinba pamlakpano loinana karigi citizenship pigadouribano? Malemda mi masing yambada anisuba oiriba India na houjik leijariba masagi citizen singda matik-chaba Food Security, mahei-masing, haksel amasung Socio-Economy gi oiba security piba ngamdabagi awaba maiyoknariba asigi mathakta yamlaba miyam ama pubagi awaba karigi hapkatninglibano hainasu hangli.
Citizenship (Amendment) Act, 2019 asigi maiyokta khongjang changsinliba Assam amasung Tripura gi chamjaraba prajasingda chathakhiba miot-minei, thoudok aduda thawaina pontha pikhraba lamdam asigi citizen sing loinana Jamia Millia Islamia amasung Aligarh Muslim University da Act asigi maiyokta protest toukhiba satra-satrising amadi ojasingbu mioibagi minungsigi wangmada tamthina ot-neiduna misi-mina thokhankhiba thouwong kaya asina takpadi India da houjik-houjik hingminnariba kanglupsinggi manungdagi akaknaba kanglup amagi citizen singbu upai ama touduna manghankhraga yumlonnaba leibaksingdagi Hindu sing maruoina pusillaktuna leibak asi Hindu-Rajya onthoknaba thouwoina chatharakpa lallongla haina chingnadaba ngamde.
Thoudoksing aduda laibak thikhraba mioising amadi asok-apan yaokhiba khudingmak amadi khongjangsing aduda saruk yakhibasing Manipuri Muslim Online Forum na ikaikhumnaba utchabaga loinana awabasing adugidamaktasu thamoi-sokna saruk yajari.
University Campus manungda, Satra-satrisinggi hostelda amadi Libraryda Police singna namduna changlaga chatharamliba lujadaba thouwong kaya adu Manipuri Muslim Online Forum na akanba mawongda Condemn touri loinana maduda chennabasing law gi mateng louduna ahakpa cheirak pinaba changsilliba khongjang adudasu forum asina saruk yari.
Nishar Pathan
Secretary, Information & Publicity
Manipur Muslim Online Forum
* This Press Release was sent to e-pao.net by Manipur Muslim Online Forum who can be contacted at mmofmanipur(AT)gmail(DOT)com
This Press Release was posted on December 19 2019
* Comments posted by users in this discussion thread and other parts of this site are opinions of the individuals posting them (whose user ID is displayed alongside) and not the views of e-pao.net. We strongly recommend that users exercise responsibility, sensitivity and caution over language while writing your opinions which will be seen and read by other users. Please read a complete Guideline on using comments on this website.