On arrest of Aimol Chandonpokpi Chief in Chandel
20th January, 2016
Houkhiba January 18, 2016 gi numidangda Chandel district ki manung channa leiba Aimol Chandonpokpi gi Village Chief yaona meewoi ani lanhoubani chingnabasingna phakhibagi nungngaitaba thoudok asibu Coalition for Indigenes’ Rights Campaign (CIRCA), Manipur na pendabaga loinana yaningdaba phongdokli.
Thoudok asi phurup amagi yaitong-khamtongba meeoi kharana masagi khudongchanabagi damak meeyamda “aranba wakhanlon” kaya ama sandoktuna amasung tambiduna community sing ungkhatnahanba asi meeyamgi common sense oina changkhi amasung achumba oihanlak’e. Meeyamna makhoigi mityenggi matung inlak’e. Ayetpa apanba leitana natheibiraba meeyamgi ‘ayaba’ louduna khudongchabasing hendok pathokna louduna lakpagi mathakta ngasi ka-henba pangal sijinnaduna makhoigi interest kidamak phongna phurup macha singgi ningtamba matpi. Phurup macha singgi nigtambabu phongdokchanaba lambi kakthatpibana chingba thouong sing chathei. Masi meeoiba phurup ta touheidaba amani haina CIRCA na louwi.
Namthabirabasing gi damak mating leina lantengnaribani hairiba lanhoulup amasung meeoisingna masi meeoiba khunnaida touheidaba lichat amani haibagi akanba phirep lougadabani. Natragadi makhoi adusu meeoiba phurup ki ningtambagi mayokta leiraba achao-aram tanba meeoi khujok kharagi interest/khudongchabada thabak touba kangbu singni haina lougani.
Ningtamba (freedom) gini haiduna lantengnariba singna meeyamgi amasung phurup amagi aningba apamba amsung “reality” natheiduna makhoigi “values, concept , enthusiasm amasung ideas” sing imposition touba haibasi authoritarianism ni haina CIRCA na louwi. Masina meeyamda masa masagi mangda tariba problemsing/ khudongchadaba sing khanghanbadi yai adubu masina meeyambu lanna lamjingduna masa ga meeyamga chaning-chamang samnahande.
Khudongchadabasingsi khangna khangna tumminna leisinnanabagi lambi pibada nattana panthungpham mami sammakkani. Maram aduna phurup machasingna masa masagi reality aningba apamba phongdokchanaba lambi amasung space meeyamgi lantengnariba meeoi singna pibam thokpada nattana ngaksenbipham thok’e. Masagi ningtamba da ayettapa piriba ethil amasung saphu singbu khangjaduna mating leina lepliba singbu ka henba sakti sijinnaduna manghannaba hotnariba asigi mayokta ningtambabu ekai khumnariba meeyamnna ahenba mityeng changduna lepminnagadabani.
Phurup machasingi aningba apamaba amasung leingaklonda makhoigi political participation phanghannaba hotnaba haibasi CIRCA gi campaign gi saruk amani. Manipurda khundariba mising 500 da makhada likna leiriba phurup singdagi houraga yelhoungeidagi leiminaraklaba phurup sing magi magi aningba apamba phanghanba loinana phurupsinggi saktam kanjaba haibasi CIRCA gi achetpa pandam amani. Asumna phurup khudinggi masagi saktam ngakchanaba hak leiraba khaktada ahongba laktuna Manipur na nungai yaiphaba chaokhatpagi lamjenda yaoba phanglakkani. Maram aduna ngasi Aimol phurup da thokhaningdaba thokdoksing asi meeoiba phurup da “tahoidaba” amasung meeoiba phurupki mayokta leina thouong ni haina lou’e.
Regards,
(Somorendro Thokchom)
Convener, CIRCA Manipur
* This Press Relese was sent to e-pao.net by CIRCA Manipur who can be contacted at circa(doT)manipur(aT)gmail(doT)com
This Press Release was posted on January 21 2016
* Comments posted by users in this discussion thread and other parts of this site are opinions of the individuals posting them (whose user ID is displayed alongside) and not the views of e-pao.net. We strongly recommend that users exercise responsibility, sensitivity and caution over language while writing your opinions which will be seen and read by other users. Please read a complete Guideline on using comments on this website.