On President Pranab Mukherjee visit to Khongjom
22 April 2016
Khongjom Lanpham asi Manipur na masigi Ningtamjaba ngaknaba British ki maiyokta shoknakhiba Lan gi sharuk amani. Matam aduda India gi oinadi hannana British ki Loilam leingak makhada leikhibadagi masigi Ningtamnaba khongjang chathariba tangkakni. Khongjom Lan bu Indiagi Ningtamba tankhiba khongjanggi sharuk ama oina uhannaba hotnabadi chumloi.
Ningtamlamba Manipur na Indian Union ga Communication, Defence amadi External Affairs ki hiramda punnaba August 10, 1947 ahanba oina Instrument of Accession amadi Standstill Agreement ta khutyek pinakhi. Atei hiramdadi Manipur mashana masabu leingakchaba mapungphana ningtamjaba leibak ama oikhi. Manipurga Indian Uniongana yana-warol sing asi thamnakhiba matamsi India da maningtamba meeyamgi leingak leitri, Manipurgi oinadi meeyamgi maningtamba leingak leikhare.
Instrument of Accession amadi Standtill Agreement ta Leibak aniggi khuyek pinaduna yanakhibagi matung inna Manipursu Maningtamba leibak ama oina masagi maningtamba Constitution, ‘Manipur constitution Act 1947, shemduna meeyamgi leingak lingkhare. Manipuri Constitution Act 1947 gi section 8 matung inna Manipurgi Maharaj asi leingaklonda hakthengnana sharuk yadare.
Manipur gi Ningtamba mangdana Meeyamgi Maningtamba Leingak leirigei matam aduda Assamgi Governor na Maharaja Bodhchandra bu Shillongda lakpinaba haija warol pirakkhi. Shillongda leiringei September 21, 1949 da hanna shemsharaba Merger Agreement ta Maharajabu khutyek pihanlaga October 15, 1949 da Manipurgi leingakpu Meeyamgi ayaba loudana India na pumlou loushinkhi. Assembly/Parliament gi ayaba yaodana Manipur bu Indian Union da tinsinkhiba haibasi malemgi chatna kanglongi maiyoktani.
Puwarigi thoudoksing da yanakhiba pumnamak India leingakna ngakna chatkhiba leite. Masina maram oiduna ngasidi khunnai asi tongan-tonganba, loiba naidaba wathok lanthok, phurusing yengthinaba, meewoibagi hingbagi hak, lamkheigi chayetnaba, meetopki meesing hengalakpagi awabasing asi leiribani. Eikhoigi meeyamna Issue ama phaoba loisinba ngamdana leiri. Puwari tangkak kayada eikhoigi khunnai asibu ikai khumnadaba leibak amagi luchingba amada eikhoina karibu haigani haibasi khanba chummi.
India gi President Pranab Mukherjee na Manipur da lakkadouriba asida meeyamna makhal amattagi asha touningngai leite. Mahakki khongchat asi khunnai asibu puwarida chamamnaba thok’hallaga Indiagi apunba wakhanlon ama shagatnaba thourangni. Mahakna Union Home Minister oiringei matamda Arunachal, Mizoram amasung Nagaland da chatnariba ILPS louthoknaba Statesingsigi CM sing kouduna akanba yathang touthakhibani.
Tangkak kayada Manipurga yanakhiba amatta ngaktana lakkhiba luchingba sing asi meeyamna pendabana President Pranab Mukherjee na lamdam asida lakpasi yamna lemjaningngaidi oide.
(SOMORENDRO THOKCHOM)
Convenor, CIRCA, Manipur
* This Press Relese was sent to e-pao.net by CIRCA who can be contacted at circa(DOT)manipur(AT)gmail(DOT)com
This Press Release was posted on April 24 2016
* Comments posted by users in this discussion thread and other parts of this site are opinions of the individuals posting them (whose user ID is displayed alongside) and not the views of e-pao.net. We strongly recommend that users exercise responsibility, sensitivity and caution over language while writing your opinions which will be seen and read by other users. Please read a complete Guideline on using comments on this website.