Nungsibagi Namada :: Part 3
- A story -
Dr. Moirangthem Jiban Singh *
Numidang-gi pung 8.00 muk tarakpaga chak charasi haiduna eikhoi mari-manga koina fammi. Acha-athak khudingmak mayaida thamlaga magi-magi apamba-du lou-louduna adum chai. Tomboi-na chana kang-hou yaoba khang-du manak-ta sat laona chingsillaga yaoriba chana-du tangkhai ama magi pukham-da hapchilli. Eikhoi wadi ngangda, mit-tamak tumin-tumin yengnaduna, karino mana tourise haiduna yengnei. Eina ateida mana-touningba tousanu haina mitna ing-git pi.
Chana khang tang-khai ama matomtana sat-sat chaba loiraga, amuk khangdu fat laona chingsillaga hairak-i, yumdakadi asumaina amukta ngouraga pijade, khitang-ga loukhige, yamna hao-i. Chao-chao, ngang-gi ngak-tani, eigi saruksisu happigese, pendrifaoba chao, hayengsu ngoubiganida haiduna eigi saruktusu pibire. Chaktu chabada, mamai-mamit humangna punglu luppi, mana touriba.
Nong hek nganbaga, napet-ta puduna lichei-maru sana masamdu tengna khakthatli. Khujin-khuya fajana kakthat-li, fadina tak-tuna masa-mau fajana eerujahalli.
Wow! Tomboi-si ngasidi mee manbagum tou-ihe, nasak-kadu ngasidi khufaja amani hairubabu, nakanda thetliba mingsel duda munna yenglaga hairak-i, sam kakpasidi ikok-sidagi yamna lumba pot ama thang-thakhibaga chap mannei, iyang yang-i-he.
Sha-uchek-faoba ningthina takpi-tambirabadi loinamak khangba ngamlaga, mee oina poklaga meeoibagi afaba wahei karigi taning-khang-ningloi? Magi maong-matou, wahei-wata mayamdu taraga karigumba ahongba ama puraknaba kanna hotnei, Pusu purak-khi. Numit humni eigi yumda leiba-kanda, mahak awaba, nungaitaba karimata ningsinglude. Maithongda momon minok tamduna mikup khuding nungaina leijei. Mahakna hanglakpa wahang khudingmak-ki paokhum eingonda-gi mayek seng-na fanglaba matungda-di, eigi wahei khudingmak mahak-ki mantra oirak-khi, yathang khudingmak figao-sana yarak-khi. Ei mee ama oidaba yade haibagi achetpa asaga loinana amakna eigi yathang makok-thakta hapkhi. Mahak-ki afaba maikeida oirakliba ahongba mayamdo khanglakpadagi, mama-mapa, machin-manao khudingmak-na eibu sakhang-maikhang-nanaba hotnarak-khi.
Tomboi nattana, Sanathoi-ga eiga-su supnatang-gi mobile-da wari sannaba nattana sak-mai unadri. Mama-mapa, machin-manao amatagasu unadri. Sak-mai unadrabasu Sanathoi-ga eiga nungsinaba haigadra, thajanaba haigadra, nongma-nongma-gi mayek laba hengatlak-khi. Wari asum sanarakpada, mahak-ki mapa & mache animak Ejipura-da matam kharagi oina lei haiba khanglak-ki. Makhoi mapa-macha anibu yumda chak-ki barton piduna kou-i. Mathel kayagi mahao-singdugi mathak-ta, henna mahao leiraba wahei kayaga loinana eikhoi ahanba oina sak-khang maikhang-naba hourak-khi. Ikui-kuidana, mahak-ki mamadusu, mapuroiba & macha-singbu una-naba haiduna Bangaluru-da thunglakhi.
Nungsitna purak-pa pao-gi matung innadi mama-do eibu kana-no haibase masak munna khangdok-naba lak-khibani. Ngeihak-su khalli, mama-na eibu yengba lak-libase, Tomboi-bu mamit-mana sing-hallubagira natraga Sanathoi-ga eiga mari leinei haibase khangkhraba yatla? Ahan miraiba yade, thajadaba mafamda kei lei hainabaduni, pumnamak Sanathoi-dagi khanglaba matung-da, mama Bangaluru-da lak-khibani. Eiga sak-khang maikhangnaba oina Ejipura-da chak-chara amata chaminnasi haiduna mama-na eibu kourak-i.
Lak-kani hairubasu ikaigum tou, lak-laroi haibasu kamdouna? Fare! Eina angang haibadu oirabanina, mama-gi ningba thung-hallage haiduna ei ikai-iki khudingmak thadok-tuna chatli. Eibu hek ubada mama-na...................
- Eechadi masak matouna fajariba, maramsu yamna mok-i hai. Eecha-ga unage haiduna mama laklibani. Changlak-u, chechegi kada falo lao.
- Mama, nungbu nungsirabadi pumnamak ifada fajabani, nungsidradi fajarasu athiba oina ubani.
- Ash! Eechadi wa ngangbada, atoppa-douna semtoklaga ngang-bado toude. Tabada, mama-di yamna nungai. Saknaga marol ama fajabane, rasina matum-matum, eechagi minung-si leibadu tabada, mama yumda leiba ngamda-duna nang-ga unage lak-ibanine.
- Mama, masidi meeoibagi toufam thokpa mathouni. Thoina khanjillunu-da.
- Adu oirabasu, khudingmak-tagi nang-na itop-toppi.
- Mayamdagi itop-toppadudi, angaoba taredana, ha ha ha ha ha
- Heima!
- Mama keidoungei Manipur-da handoino?
- Hayeng, nang baba-ga eiga Pondicherry-da Sanathoi unarukhini, adu konna hapta ama leiraga hangani. Sanathoi unabasi nangsu chatlusidana?
- Sanathoi-na lak-kanu hairak-i, magi ayaba yaodana ei mafamduda lak-pa ngamloi.
- Ash! Sanathoi-ga kamaina khangnarino?
- Orkut-tagi khangnakhibani, waridi adum sanei, adubu sakti unadri-ye.
- Ei ngasaidagi yenglibani, eechagi khutsa-sing-se yamna fajei, officer oi-yu haiba khuttani. Soiraroi eechadi officer oirak-kani. Mama-nasu boor pirabasini.
Chak thonglingeidagi houna baba, mama, cheche amasung tomboi makhoi mari changduna eingonda hanglak-khiba wahang-sina chak chaba loiraduna pothabagi matam-ka leite. Numidang pung 8 muk tarakpa aduwaida amuk eema-baba animak Santinagar da leiba bus stand faoba thilli. Bus tu pung 10 gi oirambadagi eisu eema-baba ga punna bus thodrifaoba leiminna-ramlaga, ei yum yourakpada pung 11.30 muk tare. Ayuk pung 6 muk tarakpa-da Sanathoi-na eingonda call touraklaga......
- Da, eema-baba houjikfaoba youraktre!
- Keino haisibo? Bus-tu-di pung 4.30 da aduda thung-gadabani haibadaine?
- Um, bus tubudi thungkhre, eema-baba mangkhre haiba!
- Karinohe! Makhoibu angang macharo? Kadomda amuk chatkhraba yatnone?
- Khangde! Call toubasu switch off lei.
- Ngaikho! Pakhat-khinu. Nang-gi hostel address tudi makhoi khangbra?
- Khangbane.
- Ngaikho, phone switch off leibadudi batarry loirambasu yai. Mama-gi bag-ta eina charger hapkhibani. Ngeihak leiraga charge touraga toujarak-chani natraga address yenglaga nanak-ta lakchani. Pung-khaimaromdi yengkhisi.
- Ash! Ei pakhatpana loire.
Haidouna, minutes 15 muk leiraga eina call touraga yengbada mobile ring chatli.
- Mama, Sanathoi-do mama-baba khoi mangkhre haina houjikta call touraklambata mangairi, Sanathoi-da call amukta toubikho.
Warise samjillage. Mayam warouba yade. Matang chaba matamda amuk fajana lijage. Masak-isak-ti unadana Sanathoi-ga eiga matam sangna phone da nungsinaraba matungda, nongma sanathoina eingonda call touraga
...
- Da, ei luhongdore!
- Kanaga?
- Atoppa nupa amaga.
- Nupado kanao haiba ei hanglaroi. Adubu, nangna eibu natheirambagi maramdudi hairammu.
- Da-gi address to pirak-o, eina pamjaba machugi furit ama dagine haina leijei, masi tharakke.
- Nungsinabana eiga, luhongbana atoppaga, ei nang-gi furitto pamde, tharakkanu.
- Saoganuba!
Eia nangbu thamoi sengna nungsijarabasu, nang-nadi eibu nungsiramloi haibase eidi hourak-ngeidagi adum khanglabani. Nangna eibu nungsiba sabagi maramsu loina khang-i. Eibu nugsiba saraga nangna eibu sijinei haibasisu hanna adum khang-i. Adubu, eina nakhoigi toubikhiba mayamdudi nangbu nungsiruba natraga oijaba thinabagidamak natte, meeoiba ama oina meeoiba amagi mateng pangbani khanduna toukhibani. Nahakna nungsibagi namada furit ama tharaklaga eina nang-gi pangkhiba matengsingdugi awaman singlage khallibado lal-le. Eidi khudong chaba lounabagidamak nahakki mateng pangkhibasu natte, mateng hallaknabasu natte.
Aroiba oina kaoroidaba amana, ei nangondasu ayetpa piroi. Nahakki apamba maikeida chatningba meeoiduga chatminnakho. Toubatabu, karigumba meeoiduna nahakpu inthokpiramlabadi, amuktang hanna yenglamkho, matamdufaoba ei nag-gidanak pambom ani tingduna natungda lepli.
Concluded ...
* Dr. Moirangthem Jiban Singh wrote this article for e-pao.net
The writer is Research Associate , Central Pollution Control Board, New Delhi and can be contacted at mjscholar(at)gmail(dot)com
This article was posted on February 14, 2015.
* Comments posted by users in this discussion thread and other parts of this site are opinions of the individuals posting them (whose user ID is displayed alongside) and not the views of e-pao.net. We strongly recommend that users exercise responsibility, sensitivity and caution over language while writing your opinions which will be seen and read by other users. Please read a complete Guideline on using comments on this website.