Nungsibagi Namada :: Part 2
- A story -
Dr. Moirangthem Jiban Singh *
Sitlamba malangba-na maikei hongkhibagum, thajana leichillakta lotkhibagum, wa amata ngangkhidre mahak. Khongjai ta-muk thouraba ei-gi wahei tajin-na mahak-ki thammoi faona lengkhi. Fongba ngamlaroidaba ei-gi paokhong-na mahakpu mikup khara tumin leihal-lamlaga.......................
- Da, eibu tasengna nungsibra-ne?
- Wahangdo onnare.
- Ash! Da, nangse!
- Eise keidouraba?
- Yamna singba mee malli haibanida.
- Pangtha-thagat-lakhinuda, thagatlaga chaoba mee-dudi ei natte. Nangdi lairadana ei kanano, eigi asengba saklon eibu pokpiriba eema-faobana khangdribani. Nang-nasu khangba ngamloi. Fare, pungsu aaa youkhre. Ei hanyeng Mysore chattoini. Nganna hougattaba yaroi. Tumluro, good night.
- Ngaikho!
- Kari amuk watlige?
- Thamlage hairiro?
- Um.
- Ngaikho hairaga!
- Chak puk thandraba, eekokse sairage hairiro?
- Thandre, sairage. Nungsirakte-he.
- Haigadaba amaga watli haibane.
- Kari?
- Nasana khangdro, asibu nupani kaina? Apangjao!
- Mane apangjaone eise. Nupina khara-khara lemna leiba tammu-ko.
- Da-na yadrasu, eidi "............."
- Ash! Pellehe. Aduna kari kannadoiba? Mobile-kadu natin totlam-mani fajana teithok-u. Nupina nupa koiba haido ngasidi khang-le. Nungtjaigi call tourak-u. Thamlageko?
- Um.
Ayuk pung 4.30 muk tarakpa aduwaida field assistant Mr. Ranganatha-na thong-da tak-tak, tak-tak. Atomic energy laboratory manungda electronics-ki pot-chei amata pusinba yadabadagi, numit humni eigi mobile switch off toukhre. Manungdasu, mari-leinaba mail & website nattaa-na atoppa amata hangdokpasu yade. Mobile & Orkut yaodana numit humni laboratory manungda leirubasi sangsar amani. Leiriba instruments, glassware's & samples sing-siga wari sannagadabata mangai. Marini-suba numit-ki ayuk-ta khoirang-langtaknana mobile do switch on hek tourubabu, miscall & message-na masing thingamde. Message-sing maraktuda-gi, "Da, ei matha sabana loire, leifam khangdre, mateng amukta pangbi-yuba, call hanna-hanna toubani switch off lei, call amukta toubirak-uba". Thinthaba toudana....
- Keidourage Sanathoi?
- Heima! Sanathoi kaina, yumda eema-na kouba ming-gouse da-na kamaina khanglam-mino?
- Ha ha ha..... asengbaro? Noi yumgi-di khangde. Masi eigi thammoidagi thorak-khiba ming-gouni. Farese, karigino matha sai-kaiduna?
- Eepwa nupa ama Bangaluru-gi Bal-wind school-da handak class IX da lupa 1,00,000 ama changna admission toukhibata mangairibani. Hostel-da leiningdre haiduna yumda call touraga wa-wa kappe. Hostel-gi warden-dusu matha sare, yumdasu eema-paba leifam khangdre. Eisu toufam khangdre.
- Um! Nag-na eingondagi pamlibasi karino? Keidousige haibano?
- Da-na amuktang chatlaga thembiruba yagadra?
- Yani. toubatabu, thangja-nongmaijing khaktada mee unabagi ayaba pibani loinana mafamduda masak khangdaba mee-oi amata changba yadabani. Eibu mafanduda chatlu hairagadi, eigi ming & no. warden-duda hanna pikhro. Lakliba thangja numitsida ei school da chatlaga eesen-nupa unaruge.
- Ha ha ha ha...........eesen kaina. Nasen nupa-do ningai kanbani, manung yamna kanbani, gyan tanaba amukta warakpiyo.
Hapta amagi matung, Thangja numitki pung 4 muk tarakpa aduwaida school lomda sat thoujilli. Angang sang-gu-sang-gu machi-machi-da famduna wari sanari, khara-na chen-chongduna sannari. Angang-du eidi hanna masak khangbasu nattabanina warden leifam-lomda hanna changsilli. Warden-du retire Army-ni, gyan tai, wari ningthina sannaba yai. Eigi Identity card-tu munna yenglaga, nulukpaga loinana fuk hougatuna angang-du laknaba pao pikhre. Minit 15 hellafaoba mahak kaida liege haiba kana-amata thifam khangdre.
Warden masamak-na magi ka-romda changduna yenglubadasu leiramdre. Makhoi mayam toufam khangdana, murum-murum sonnaba hourak-le. Talak-tuda eisu warden-di ayaba louraga mapan thokke haiduna toilet-romda chang-i. Bathroom, toilet and urine sink pumnamak achouba ka amagi manungda punna lei. Khwaigi ihan-hanba urine sink-tuda leplingei, aroiba bathroom manungdagi angang ama hikna-hikna kappa-gi khonjen tarakpaduda ei maikei tamna prap-prap changsilli. Ash!.....................................
Masa-ma-u iwao-wao, masam-mana ifa-fa, mamit-mana ngang-sang ngang, khujin-khuya ichou-chou, mamai-mamit ipom-pom, makhut aniduna makok-ki masam-du bar-bar foidat-tuna matomta hikna-hikna kapchaba nupa-macha ama leirammi. Masak-tu hek ubada chingnabaga loinana......
- Tomboi!
- Da, Kana!
- Ei, Tompokni.
- Oh! Che Sanathoi-na haibadura?
- Mane.
- Da! Ei ware.
- Lao, mapanda thokhsi lao. Mee makhei nang thinahourabani.
- Karigi!
- Eiga unahanna-ba. Se nakhutto pirak-u ching-khatpige.
- Da!
- Nasado ei yengba ngamdre, minutes 10 gi manungda eerujatho-rak-u. Ei asida ngaige.
- Da, yaranida.
- Yaba natte. Eerujaroi hairagana, eisu nang-ga wari sanara-roi. Ei chatlage?
- Eerujarak-ke.
Eerujaba hek loibaga, magi ka-romda chang-sillaga, magi fabung-da thariba mompak fidak-tu louthoklaga, fajana kanthok-tuna amuk thahalli. Upu manungda yaoriba fi-rol, lairik-laisu, acha-athak khudingmak loina chingthokla-ga, amuk fajana kanthok-handuna sem sahalli. Sijinna-roidaba pot khudingmak maman-nabasingda pithok-halli. Pung ama-rom mabu uru-uru leihan-duna tougada thabak khudingmak loisillaga,
- Tomboi, kari chaning-i?
- Mo-mo chage.
- Adudi, lao-Brigade ta chatsi. Nasam-nana fajana hatlu, firon-nanna setlu.
- Kuirehe! firon makhei loina upuda namsiduna thamba, loina sutek-natek sare.
- Houjik thupkhiba red T-shirt, litsillu.
- Yai.
Brigade ta puduna chaningba makhei pijaramlle. Magi awa-nungai warisu nunna taraga, Eina pigadaba paotak-su pire. Mathang-gi eerai numitta ei nangbu louba lakkani, thangja-nongmaijing numit nini eikhoi yumda leigadabani hairamlaga ei mabu school-faoba amuk thinjinbiramkhi. Eibu tarak-tarak yengduna masu adum leihoure.
Mathang-gi eerai numitta, ma eibu thonganda leptuna ngairammi. Tangai fadaba fi-rol, pot-chet khara magi khao-da hapchillaga thorak-i. Majestic hek youbaga, flyover mathakta pukhatlaga ngeihak wari sanaringei, liri-humba malangbagi mayokta makhut anidu fandoktuna mangjin thana kanna uuu..........laoduna chelli, chong-khattna sanei.
Haraoba-nungaiba masina loire matagum mathammoi penna san-najei. Magi matoudu ubada eisu angang olle. Angang oiringeida san-nakhiba amangbi khangning ningsinglak-khi. Tomboi, eibu fangnaba tanou hairamlaga, eisu flyover mathak-tuda chelli. Masu mee mayam maraktuda eibu fangnaba tannei. Ngeihak amangbi sannaba-da humangna punglup luppi. Eikhoi anigi matoudu ubada, achat-aong khudingmak yengduna nok-hou-i. Yum youraga fajana amuk eerujathok-i.
To be continued ...
* Dr. Moirangthem Jiban Singh wrote this article for e-pao.net
The writer is Research Associate , Central Pollution Control Board, New Delhi and can be contacted at mjscholar(at)gmail(dot)com
This article was posted on February 06, 2015.
* Comments posted by users in this discussion thread and other parts of this site are opinions of the individuals posting them (whose user ID is displayed alongside) and not the views of e-pao.net. We strongly recommend that users exercise responsibility, sensitivity and caution over language while writing your opinions which will be seen and read by other users. Please read a complete Guideline on using comments on this website.