'Mayai kaba nisagee mayokta' Street Corner Meeting & Poster Campaign at Bishnupur District
Imphal the 12th November 2014:
Coalition Against Drugs And Alcohol (CADA) na lamdam asidagi nisa maru
phangna muthatkhiduna Masha mawu phaba khunai ama oihanduna
Chaokhatlaba Malemgi Lamjenda yaoba ngamnanabagi pandamda makhal makha
kayagi Programe kaya leppa leitana changsinduna lakli. Khongthang
asigi makha chatharakpa gi saruk ama oina tha a “Mayai kaba nisagee
mayokta street corner meeting & Poster campaign” makha chathaduna
ngarangi 11th Nov. 2014, Leibakpokpa numit ki ayuk pung 9.00 taba
matamdagi houduna Bishnupur District ki tongan-tonganba maphamsingda
pangthokhi.
“Ireibak Manipur Kallasi, Mayai Kaba Nisa Thadoklasi, Lamdam Asigee
naharolsing nisagee ipaktagee kalhourasi, Drug lallonbasing cheirak
pibada matam louganu, Manipur Liquor Prohibition Act – 1991 mapung
phana chatnahalu, Hidak mana mapung phana thingu, Imphal Airport amadi
Post office drug ki keithel onthokkanu, NDPS Act-1985 thabakta
onthok-u, Chinjakta potyan toubasing matam chana dandi piyu, Drug
thingnaba leiriba Department sing – Excise, Narcotic mathou ningthina
touhallu, Lamdam sigee ireichasing drug ki langda thuragumsi” haiba
khollaosingga loinana Chanura Keithel Utlou, Nambol Chingmang, Nambol
Bazar, Maibam Lokpaching ching, Oinam Bazar, Yumnam Khunou, Keinou,
Ngaikhong Khunou, Loukoipat, Bishnupur Bazar, Nachou, Kha Potsangbam,
Ningthoukhong Bazar, Thinungei, Phubala, Sunusiphai, Naranseina,
Moirang Bazar, Moirang Lamkhai, Tronglaobi, Terakhongsangbi, Kwakta
Bazar, Phoubakchao Ikhai, Saiton Bazar, Litanpokpi, Salam Konjil,
Kumbi Terakha, Kumbi Bazar, Terakhong, Wangoo Sabal, Naodakhong,
Sagang, Wangoo Bazar, thai , Khongsamapal, Kumbi Kangsoibi,
Thangalawai, Keirenphabi, Moirang Khunou, Thoya, Kokinbond, Sendra
naching Bishnupur District ki mapham sing amadi Wangjing Khunou,
Pangaltabi, Umathel, Kakching Khunou, Thongam, Mondum, Sarik Konjil
nachingba Thoubal District ki maphamsingda street corner meeting
chathakhi maduda eikhoigee khollaosing eba wall-poster sing
maphamsing aduda thetkhi.
Street corner meeting asigee nungee oiba wakhallon di - Lamdam asigi
thoudok wathok khudingda yoo, jarda,kheini, talab, churup, biri
nachingba mayai kaba nisasing yaodaba yadaba amagum tounare. Masibu
hek yahoudaba emung, meewoi adu meerak tindaba, houna lonchat
khangdaba oina khanarakle. Houjik nisa sijinnadaba meeyoi thibada
awaba oire, leikai khudinggi nisa yonba dukan amadi vendor na wai
chaire. Thouwong sing asina enkhatlakliba meewoi singna nisa asi
soidana sijinapham thokpagum khalhalli.
Chief Minister RK Ranbir na luchingba MPP Govt. ki matamdagi
chatnakhiba Manipur Liquor Prohibition Act 1991 asi leina-leina
ngasigi Chief Minister O. Ibobi na luchingba sarkar amadi mamangda
pallamba sarkar singna Yoo thingba ngamdri. Thingba ngamdaba asina
maram oiduna lamdam asi Yoo gi ipakta asum-asum iraknarakpagi chang
hengatlakli, Act asi munna neinaruragadi Manipur da Yoo marik amata
phangningai leite. Adubu houjik leikai khuding, khun khuding Yoo
yonpham wai chairiba asi Act asi mathou tougadouriba Govt. mathou
touribra? Manipur gi maru oiba Paona Bazar amadi Thangal Bazar mayol
maktada Yoo-ngang karbar touba meeyoi kaya thoraktuna permit yaodana
(Law na yadana) lamdam asida Yoo-ngang, yoongou sing phongna yolli,
Bazar sing asida ayuk nungthil numaidang naidana nupi yungaobee phaoba
ephong phongna uri.
Adubu yumthangnariba Mizoramda yoo pungthing thinglagani, Kerala da
thingnaba khanari, West Bengal dasu thingnaba khanari adubu Manipur
sarkar di hanna thinglakpa asi komthoklaga yolhanaba khanari, masi
yamna liabak thiba aruba wapham amni.
Aaina na yadaba thabak asi touriba yoo yonbasing, hidak manage
potlamsing yonba amadi karbar toubasing gi mamangda aain ngakliba
singna pareng pareng leiriba asina makhoina nakoinana sougatlibra?.
Sarkar na houjik nisa tihingliba asidi nisa thingba ama oina louba
yaroi, sarka gi department sing lakpa ngaiduna leithoklagadi nisa
thingba sungwoi oithokloi.
Matam amada meira paibee/nisa bandi singna pak sanna nisa thinglamba
adu sak-mai, sagei natei yengaringei, emung emungda nisa yonba
yaosillakpa, esa esasu nisa chasillakpadagi mapung phana thingba
ngamdri. Ngasidi nupi oibisingna nisa gi cheitheng khwaidagi phangli.
Manipur da houjik HIV/AIDS naraba meesing 44000 henna leiri,
masidagisu henna leiramloi hainingai leite, maramdi emung amada nisa
chaba meewoi leibada haidoknade, emunggi ijat yengduna leithoknei,
aroiba pungpham youraklaba, addiction oiraba matamdata leikaina
khangnabani. Makhoibu kananaba amadi makhatana oiraktanaba eikhoina
thoudang louba. Makhoina punsi loikhiba tarabadi Manipurgi chaoraba
Kendra ama punghang hanggani. Makhoigee mathakta lamdam-lamdam,
leikai-leikai da nisada laichuba, nisa makhal ama natraga ama
yaodragadi hingba ngamdaba meewoi masing thingamdana leiribani. Masina
takle eikhoigee ephurup ejati asi tumna mutkadaba kuidre haibani.
Meena tumna sikhaba matamda chaokhat thourang, semgat-sagatliba
khudingmak na kari kanagani, meetop singna leihounaba oina thokani.
Ngasidi mayai kaba nisana maram oiraga eikhoigi ephurup khunai asi
suning nomningdaba, hamchat-hamboiraba, masagi mathou kaosilakpa,
meepan tangba, niraga hingbagi heinabi oirakli. Hakchang phaba, masa
mawoo phaba, aphaba wakhal khanba, mabudhi marousing phaba haibasi
chariba chinjakka yamna mari leinei. Enkhatlakpagi chung phiran
chagadaba, masak machu thokkadaba adu ngasidi ninggong da khonggrao
pandaba naharol oirakle, makhoina hayeng mayum makei pallaklaga leibak
ngakpa ngamlakkadra, makhoigi thamlamgadouriba macha sing aduna kari
oirakani.
Matam amada nupi ijat hanghanba asi akanba cheirak phanggani haiduna
kinarami adubu ngasidi ijat manghallaba matungda hatpaphaoba
yaorakliba asi mayai kaba nisa sijinabana ngamhallaklibani. Manipurda
thokliba crime ayamba mayai kaba nisa sijinarubadagi thokpa ngaktani.
Masigisu mathakta lamdam asigi mapham khudingmakta nisa makhal
khudingmak phanglakpa asi lamdam asigee ayamba meesingna mayai kaba
chinjak sijinare, yamna luraba tangkak amada leire haibani. Macha
kainaraba, Mawa Kainaraba, meekap meeraokholtana thalaba lamdam ama
oihoudanaba ngasidagi hotnaminarasi.
Ngasidi Manipur gi mapham ayambada mayai kaba nisa thingnaba khongjang
kaya changsillakpa asi yamna chumba khongthangni. Ngasidi Manipur gi
mapham ayambada mayai kaba nisa thingnaba khongjang kaya changsillakpa
asi yamna chumba khongthangni. khunai asida yengbada tabada heinadaba
thoudok wathok kaya asina maram oiraga ngasi leikai leikaida nisa
thingba yamna mathou tarakli. Sarkar gi mari leinaba department singna
thamoi sengna mathou toudabanara, nakoinana sougatlabra haibasi
achouba wahang ama oire.
Asigumlaba nisagi cheitheng sing asidani CADA na street corner meeting
& wall poster campaign asi changsinbani amadi makhatana
changsinkhigani.
Nisagi matang asida State Govt ki Pukchel tingba thoudang loubinaba haijari.
Haijariba,
(L. Sanjit)
Secretary Information & Publicity
CADA
* This PR was sent to e-pao.net by Coalition Against Drugs And Alcohol (CADA) who can be contacted at cadameeyamgee(at)gmail(dot)com
This Press Release was posted on November 13 2014
* Comments posted by users in this discussion thread and other parts of this site are opinions of the individuals posting them (whose user ID is displayed alongside) and not the views of e-pao.net. We strongly recommend that users exercise responsibility, sensitivity and caution over language while writing your opinions which will be seen and read by other users. Please read a complete Guideline on using comments on this website.