International Working Women's Day at Thoubal
Date : 08th March 2022 :: The Readers Collective
Hangatna yenglabada Malemgi Nupi Singgi Numit ashi ahanbada sinmee singgi ehou ama oina hourakkhi. Eng kumja 1908 da nupi sinmee 15,000 romna New York tamna chattuna thabak shubagi matam tensinnaba, khutshumal hengatnaba amadi nupi singbu vote thadanabagi ayaba pinaba haiduna khongjang changsinkhi.
Matou asumna mannaba khunai ama laknaba ehou asi makha samtharaklaba matungda, malemgi ehan hanba oina mannaba khunai amagi wakhallonda semgatlakpa Soviet Union da leibak sinba thungna malemgi nupigi numit haina pallan toukhi.
Manipurdasu mannaba khunai ama laknaba Anisuba Nupi Lan da otpi neibiraba nupi amasoong sinmee meeyamsingna, loilam mapu British amasoong lamdam asigi Ningthou amadi yaitong khamdongba mayamsing asigi mayokta ehou houkhi. Asumna mathang mathang Malemgi Nupi Singgi Numit haiduna chahi khudinggi malem pumbada pangthoktuna lakli.
Phumbangnaraba khunai asida lairabasingna nongma nongmagi lairasanlakpa aduga senjao paibasingna lairabasinggi ee chuptuna henna henna lan-thum peishinli. Panliba leingak amasoong khunai asigi mityenggi matung enna lannaigi (haibadi esha eshakhaktagi) lan thum henna peisinba ngamba haibasina hotnaba kanba meeyoibani haina shaktaknaba hotnari.
Toubatabu lan-thum henna peisinnaba hotnabada lairaba meeyamgi ee chuppa, nupisingbu hanthana yengba, phurup machasingbu namthaduna thamba hairiba mayamsing asi touwi. Amasoong leiriba leingak asinasu asigumlaba neihatpibagi chatnabi asi sougattuna adum leiri.
Leiriba fibham sing asi yengduna, Malemgi Nupi Singgi Numit na lakpada sothariba, neihatpiraba nupi singbu karamna phajinliba yotling adu louthokadagey haiduna neinabagi tangkak amakhak loubani. Ashumna, Malemgi Nupi Singgi Numit asi March ki tang 8 da Waikhom Mani Girls’ College Students’ Union, Thoubal Keithel Phambi Mathak Makha Apunba amadi The Readers Collective ka punna khutshamnaduna Thoubal Keithelda pangthoknabagi tanja loujabani.
Lamdam asida mityeng amuk thamlabada mannaba khunai da thajarambi ayeebi Takhellambam Thoibi Devi gi wakhallonsing amasoong lamdam asigi sinmee singna mannaba khunai ama laknaba hotnajaramba singbu hangatna yengduna Malemgi Nupisinggi Numit asibu ningsingbani. Ningsing thouram asigi saruk ama oina Adhikar Amasoong Khangatlaba Wari Macha Khara haina nouna mingthonjaba Thoibi Devigi wari macha lairik amashu phongadouri.
Hairiba lairik asi Keithel phambising amadi maheiroisingda lemna yenthokchagani.Malemgi Nupisinggi Numitna lakpada hanthana yengbiriba amadi namthabiraba nupi sinmeesingbu apha apun khuding mak namkhaiduna mannaba khunnai da changsinminarsi.
Coordinators:
O. Thoithoibi Devi
Waikhom Mani Girls’ College Students’ Union
Chingkhei Luwang
The Readers Collective
AK. Budhipati Devi
Thoubal Keithel Phambi Mathak Makha Apunba
INVITATION
INTERNATIONAL WOMEN’S DAY
BOOK RELEASE
“ADHIKAR AMASOONG KHANGATLABA WARI MACHA KHARA”
DATE: 08/03/2022
VENUE: THOUBAL KEITHEL
PROGRAMME DETAILS:
o 10:30 AM – ASSEMBLE
o 10:50 AM - WELCOME ADDRESS
o 11:00 AM - KEYNOTE
o 11:10 AM - INTRODUCTION
o 11:20 AM - SPEECH BY SPEAKERS
o 12:00 PM - BOOK RELEASE
o 12:10 PM - REFRESHMENT
o 12:15 PM - VOTE OF THANKS
DISTRIBUTION OF BOOKS
ORGANISED BY: THE READERS COLLECTIVE
in association with
THOUBAL KEITHEL PHAMBI MATHAK MAKHA APUNBA
&
WAIKHOM MANI GIRLS’ COLLEGE STUDENTS’ UNION
* This information is sent to e-pao.net by The Readers Collective who can be contacted at thereaderscollective2022(AT)gmail(DOT)com
This Post was webcasted on 08 March 2022
* Comments posted by users in this discussion thread and other parts of this site are opinions of the individuals posting them (whose user ID is displayed alongside) and not the views of e-pao.net. We strongly recommend that users exercise responsibility, sensitivity and caution over language while writing your opinions which will be seen and read by other users. Please read a complete Guideline on using comments on this website.