Chakliba Thammoise Eigini Magi Natte
- Part 6 -
Dr. Moirangthem Jiban Singh *
Fibamsi yourafaobada ei mabu kaoba ngamkhide. Magidamak matikchaba mee ama oiningbagi 'wasak-ka' loinana kanna hotnakhi.
Sur: Dada-gi warisidi pura Film-ga chap mannei-he! Da, nupidudi thengnakhidrabo? Houjik kaida liege? Houjikfaoba mayumdi pandribra?
Krishnananda: Dada-di Manipur thadorakkhiba chahi 12 houkhre. Adubu, asuk sanglaba matamsifaoba ei magidamak hapta kangdana Chithi kayamarom mayumgi address-ta thakhi. Paokhumdi ngasifaoba amata hallakkhidri.
Mahak houjik Bangalore-gi kamannahalli-romda lei haina paodi tai, thengnabadi thengnadri. Mayumsu pandri. Tha amagi mamangda eina Mumbai-da chatringeida maga phone-da waridi khara sanei. Adubu, eidi mangoda yetlaroi. Mahakna maningtamna nungaina leijakhibauna eiga thungnabani khanjarage lepkhre.
Sur: Dada-si pukchelkadi yamna chaoba mee malliko. Ado, da nupiduga nungsinei hairiba nupadudi masak khangbra? Kaidagino?
Krishnananda: Um, Ningthoukhong kharom-dagini hainei, mamingdi khangdehe.
Sur: (Marak thatna, Eigi warisi tabada chingnarap touna, Sur-na magi khao manungdagi Chithi ama puthorak-i, aduga makha tarak-i) Yengone da nupa amana eikhoi che Saroja-da tharakpa chithini. Asita natte Chithi mayam-amani tharakkhiba. Chithisida tharakfam address-su thade, mamingsu thade. Chithi amadi eina faktoklaga manungda maming thabra haina yengbani, adusu thade. Aduga, cheche-da mana 'Somi' hainasu kou-i, last-ta magi mamingna 'Jonet' haina hekta loisinkhi. Ei masigi nupase kanano thiribani. Fanglabadi chechegi mathawai kanbiyu haijage khallibani.
Krishnananda: (Sur-na puthorakliba chithise eina mache-da Karnatakadagi-dagi thakhiba chithi-singdugi manungda amani. Mana thiribasisu eibuni. Adbu, khangsinnada saduna) Noi nache keidourage haise? Hoine, noi nachedu ukhidaba kuire, kaida leirige. Mayum pandribo?
Sur: Chedi, Kamanahalli-da leiye. Oja oiriye. Ningthoukhong kha khunou-dagi nupa amaga nungsinei haina touri. Adubu, eikhoi mama-pabung, nene-kaka-khoina nupado yaningde. Che-chenadi nupaduda nattana atoppa nupada leiroi hairi.
Krishnananda: Keigino adudi? Ado, noi chechena nungsirabanina kananasu thingba ngamlaroi. Nungsiba haisidi asi ngaktani.
Sur: Karigi thingba ngamloi-douriba? Chithi toina tharakliba nupase cheche-bu yamna nungsiba malle. Mahak hek thengnaradi, Cheche-se fabra-punbra touraga chello haige toubane. Manasu che-chebu nungsibanina soidana yarakkani.
Krishnananda: Angang nang arembada matha saduna leire. Magi-magi maraibak haiduni. Lairik-tum kanna pao, hayeng afaba meena singthaba mee ama oinaba. Ei Wari libasu loire, tumnaba tourasidana?
Asumna, ei wari makha tadana fuk hougattuna fabunglomda lak-i. Eechan Sur-na eibu tangak-tangak chingnana yenghou-i. Ei Sur-gi waheisingdo tabada Saroja-bu amukkasu henna penkhide. Karimata khanthadana, Saroja-na oktaba nupadugidamak, eibuta nattana, mama-mapa, machin-manao, eemung-manung, sagei-natei pumnamakki mayokta lepkhi. Masibuni nungsiba haibase mitangbani kaina hainaribase. Toubagidi, eigi thoina khalludragasu mahakki mama-mapa, machin-manao, eemung-manung, sagei-natei pumnamakki khallaga ei eechan Sur-na haikhibadumak pangthok-lamba yabani.
Eigi hourakfam, punsi maren kupna thiruragadi, Bangalore-di araibani, Karnataka-gi kachin-koya thungna, yumthong ayamba-da eibu nungsibiba amasung kaongamdaba-gi thajaba ngasifaoba mangdri. Eina Saroja-bu yamna laina "Khuma Salaigi" Ibudou Lainingthou-gi mamou oihallamba yabani. Adubu, eina mabu thammoi sengma nungsirubana, magi mayokta leppa ngamkhide. Kainaba-thungnaba haibadudi araibani. Mahakki apamba thungna-jakhibaduna eigisu panthungni khanjakhi. 'Hinao' sajage khanjaduna chetna paijaramba 'nou' ikhuttagi takhiba khanghoude.
Saroja pumnamakki mayokta leptuna mana nungsijaba nupa-duga luhongkhi. Pendaba kaya leirabasu, mahakki apambana eigisuni penthokchakhi. Magi taheidraba wahei kayana eibu wasak kaya sakhankhi. Masak thibabu meeni khanjadaba magi wakhal-na ngasidi eibu meeyamgi thajanafam oiri. Lairababu hanthana khanba magi matouna, ngasidi ei lairaba kayagi mateng pangba ngamjari.
Magi areppa leitaba khongchatna ngasidi ei pumnamakki chingjaogu lepchari. Nungsibabu sanna-potni mirairamba magi matouna ngasidi eibu punsida afabata khanbagi inot happikhi. Nungsibabu arum-ayang onduna lalon-potni lalon-jaramba magi lukmaiduna ngasidi 'eibu nungsibiba amagidamak kathokli.
Ahanba nungsibadi punsi-chuppagi kaongamde thaja-ramdabani. Adubu, ngasidi thajadaba mafamda kei lei hainabado chumlamle. Pendribadi, Saroja luhongba tha fadringeida mapu-roibana atoppa nupi ama amuk puduna mabu langthokpiramkhi. Houjik mahak mapamda 'HALLAKPI' singda chanduna ikai firup marumda kana-meisa langli.
Amaromda, 'Mapam chaksu chada, Mapuroiba mayum chaksu chada' mana kaina-meisa langjarabasu meiri thokna chaklibadi meemannadraba eigi thammoisini. Nungsigi lambisida "chakliba thammoise eigini magi natte"
Concluded ...
**** Wari asi houjik-houjik hingliba meeoi 2-gi punsi khongchat-ta yumfam oiduna ijakhibani.
Wari part by part oina meeyamda khudon tamjage.
Wari asi Krishnananda-gi punsi khongchat-pu saruk kaya thokna khaidoklaba matungda, thengnakhiba 'nungsi-nu-ngon-gi' saruk matek amabu meeyamda khudonjabani. Atoppa saruksingdusu soidana khudonjarak-khigani. Masi kanabusu hakthengnana/nakoinana singnaba natraga karemnajaba nachade. Wari asibu kupna neinabiraga punsida tougadaba/touroidabana karino haibado ningsingbiyu. Wari asi ibada yaokhiba asoi-aran khibik ngakpigani.
****
* Dr. Moirangthem Jiban Singh wrote this article for e-pao.net
The writer is a District Nodal Officer for Environment, Karnataka Health System Development & Reform Project, Chikkaballapura, Karnataka, and can be contacted at mjscholar(at)gmail(dot)com
This article was posted on March 04, 2014
* Comments posted by users in this discussion thread and other parts of this site are opinions of the individuals posting them (whose user ID is displayed alongside) and not the views of e-pao.net. We strongly recommend that users exercise responsibility, sensitivity and caution over language while writing your opinions which will be seen and read by other users. Please read a complete Guideline on using comments on this website.