COVID-19 gi matangda suggestion khara

Imphal, 17th May 2020

1. India da covid-19 gi laichat asi stage-3 haibadi khunnaidagi lounaba haiba stage adu youre.Tsunami gum kanna humjjillakliba irei asi thingba wagani haibasi India gi Prime minister Naredra Modina yamana ngangana ukhi Lock down Pal oina thingnaba hotjarabasu china na touba adugumna mai pakna toubadi ngamdre. Houjikti India gi lockdown pal asi Iphut kayqa thoktuna maikei khudingmakta sandokhare.

Maharastra gi State disease surveillance officer, Dr Pradeep Awate na May 12 da Mumbai yaona India gi mapham kayada chayol kharagi mamangdagi houna khunnaidagi lounaba(community spread) haiba stage adu youre haikhre. Ngaraang phaobada mee 90,926 mahik pakle, 2872 sikhre. Laichat asi khang-hen hen-gatlaklibani.

May thada (haibadi tang 1 dagi tang 12 phaobada anaba pumnamakki 80% di numit 12 ni asida hen-gaatlakpani. Numit 10 dagi 14 ni phaobada anaba masing saruk ani ani (double double) hen-gatli. India da laichat asi pok-khairakle haiba yare.

2. WHO gi expert singnasu India leingaakta cheksillu haina warning toukhre. Indian American cardiologist, Dr Indranil Basu Ray nasu May 12 ta Bengal gi CM Mamta Banerjee da chithi amada laina laichat asi meehaat khutlai (killing machine) amani hairaduna laithoktanaba akanba warning toukhre. Lockdown touna touna masing ising ichaogum hen-gatlakpasi angakpa amani. India leingaakkisu akiba phaoraba malli.

Union Health Ministry gi Joint Secretary, Lav Agrawal na eikhoi coronavirus leiminnaba tamgadabani haina May 9 da phongdokkhre. May 17 ki matungda lockdown sangdokkadra sangdokloidra haibagi matangda Delhi gi CM Kejriwal na meeyamgi wakhal/opinion hangkhre. April 24 da Prof Samit Bhattacharya na anisuba covid-19 laichat ki eethak ama nongju thada haibadi July/August ta lakkani haina warning touri.

Mangjounana Chinese expert singna April 8 da India asi covid-19 gi hotspot oirakpa yai haina warning toukhrabani. Yamna mangjounana March 18 da Dr Ramanan Laxminarayan, lecturer, Princeton University amasung Director, Centre for disease dynamics, Washington na India asi hotspot oirakkani haikhre. Kananasu thajanakhide adubu ngasidi chumle.

Kanagumba expert kharanadi laichat asi thingba/sennaba ngamlaroi haibagi matagum mee ayambada mahik asi pak-hallaga thengnabagi mawong ‘Herd immunity’ gi strategy asi tougadabani haina toina haire. May 13 amasung April 14 da Dr. Jayaprakash Muliyil, Former principal, Christian Medical College, Vellore, hujikna Chairman, Scientific Advisory Committee, National Institute of Epidemiology na herd immunity gi pambei tougadabani haina kanna haikhi.

Herd immunity haibadi chahi 60 gi mathakki ahal sing asi khara cheksinna thamlaga mee ateidi free oina hinghallaga ayamba saruk haibadi 60% gumbana laina asi pakkhrabadi, 1% gumba sikhrabasu khunnaigi oina laina asi changba ngamlaroi (immune oiragani) haibagia wakhallon asibu khangnei.

Wakhallon asi American writer amasung journalist, Thomas Friedman nasu India ga chanaba policy oigani haina April 28 da phongdokkhi. Toubagidi India da sandorakliba covid-19 makhal asi sandokpada ichang thoudaba atappa makhal amani hairi. Adubu India gi oinadi laksinba ngambagi wangmada leikhraba laichat ama oire haibasidi kakningngai leitraba achumba wa amani.

3. India gi mee kungba asidi malemda warinaribani. Feet 10X10 gi ka amada mee 10 leibani, toilet ama mee 50 na sijinnabani. Aduga ana layeng gi lamdadi angakpa phangna sotthari. India gi average oina pabada mee 1000 gi oina hospital bed 1.31 lei hairi, kanagumba 0.55 ni haibasu yaori. Anouba thadana houiik houjik India pumnamakta ventilator 48,000 khak lei hairi.

Asigumba India na tsunami gumba laichat asi karamna thengnagani? Maram aduna thuna hidak puthoraktrabadi India manungdadi laichat asi lammei chakpagum sandoraklagani haibasi yamna chaumlaba wapham amani. Mee lakh lakh sirakpa yai.

4. Mathakta pijariba maramsing asi leibana India gi mapham ateida leikhraba eikhoi Manipur gi mee pumnamak pusallaknaba hotnaba chumgani. Tengbang dot in (tengbang.in) da ming challakpa meewoi 45,000/50,000 khak asida nattana chatlaroi haina leiramba ming challaktaba mee pumnamaksu thoraklo haina koubana chumlagani, nattrabadi lammei chakpada yaokhiba yai.

5. Manipur da youraklaga makhoi kadaida thamgadage haibasi achouba potlum amani. Hanna leingaak na (CM na) loinamak thuna test (RT-PCR test) touraga mayum mayum da tharaga house quarantine touragani haikhi. Adubu thorakliba waphamdi karamna test tougadouribano haibasini RT-PCR test asi matam yamna changngi, yamna kuppi, expert oiba mee yamna mathou tai.

Manipur da (JNIMS amasung RIMS animakta) ngasi nongmada mee 200 gumbadagi henna test touba ngamde. Adu oirabadi nongmada 1000/1000 changlaklibasing asi karamna test tougani? Machine, hidak langthak amadi meegi awatpa yamna lei. Sel su yamna changngi. India pumnamakki oinasu laiwong leitaba mee amatta test touraroi haiba policy leire. Masana tabani. Sel leite; train touraba mee leite; machine/computer leite; hidak langthak/kits leite. Manipur gi su ngamlaroi.

6. Manipur daa covid-19 thengnanaba loukhtlakliba khongthangsing henna akanba maongda paikhatpa changii, covid positive masing hengatlaklabadi masi thengnanaba dedicated covid hospital sabagi thabak toudri, loinana houjik tongan - tonganba Manipurgi district singdagi lakliba meeoisingi maraktagi covid patient yaorakpada treatment gidamakta leiriba medical facility henna pak chaona thengnanaba semgatpa changi, Rims amadi Jnims hospital da covid isolation ward ta phamung 50 /50 lei.

Luribadi patient singna aruba stage yousillakpada tangaiphadana sijinagadaba ventilator amadi PPE gi masing nemna leirii. Chaokhraba Jnims hospitalda supnatngi ventilator 10 na covid kidamk sijinnari aduga Rims hospital da supnatagi ventilator 19 covid kidamak sijinnagadouri.

Doctor nurse healthwoker singna sijinnagadaba PPE marang kaina leitri, sub standard oiba PPE health dept. na pirammi haibagi wathok leiribni, Jnims amadi Rims ta leiriba testing equipment machine matamga chanana semgatpaga loinana matik chaba manpower thamba chngli, hanadagi covid test kidamak RT-PCR asigi mathakta anouba covid test tounaba khutlai truenet amadi real time PCR nachingba hospital anisida leiri. Maram asina nongmada khutlai amadi manpower anisina test touba ngamgadouribase meeoi chahumuktani.

Quarantine centre da thamliba houjik houjik mapangi state singda leiruba stranded Manipuri sing chaorakna ahanba registered touraba meeoi 50,000 test tounabagi preparation tounaba hotnaba haibasi araiba natte, matamga chunana khutsu khutlaida nattana hidak langthak matik channa thamba ama mathou tai. Loinana manipurgi tongan- tonganba district singi semgatliba covid ki isolatation ward ta ICU tangaifadaba facility fanghanba tangaiphadana ventilator thamnaba hotanaba, hidak langthak chap channa thamba changi.

Amadi houjik houjik manipur da community quarantine centre sing niyam chumna thamnaba akanba thabak loukhatpasu changi, Manipur da pusillakpa khudingmak niyam chumna screening toubaga loinanna, quarantine centre da leipham thokpa numit masing 14 nidi soidana leiba chngi loinana centre khudingmaki chana thaknaba maong, matik chaba toilet, high risk amadi low risk profilling area dagi lakpasing tokhai- tokhaina thambagi maong, niyam chumna akanba thabk loukhtpa chumgani.

7. Test su toiraroidaba amadi pusallaktabasu yadaba phibham leirabanina changlakliba pumnamak quarantine touba nattana pambei atei leitre. Hujik thorakliba wapham di mee asuk yambasi karamna kadaida quarantine tougadage haibasini. Mayum mayum da thabadi aruba phibham lakpa yai, Italy gi New York ki phibham lakpa yai. Manipur da kaa tokhaina leiba ngamba imung yamde. Adu oirabadi eikhoi karamna hinggani?

Manipur da ventilator 100 phana leite, PPE numit 10 nigi dagi henna leiroi. Delhi na yengbirakkani khanbasu lallagani. Makhoi masaphaoba sennaba ngamlaktre. Maram aduna houjik mee 1000 narakpa matamda Manipur macha eikhoi leikrak ahoba thiduna lotkhibagi phibhamda laklagani. Hujik achouba sariba pumnamak lotkhragani, doctor nurse pumnamak mangkhragani, police mak su lotkhiba yai. Maram aduna institutional quarantine touba nattana atei touba yade.

8. Houjik houjik Manipur leingaak na semliba quarantine mapham sing asidadi mee 3000/4000 dagi henna thamba yaroi. Masi yengduna mee pusallakpa tapthabasu lalli, asomdadi tsunami laklabani. Masi uduna Manipur leingaak na silliba thouwong di MLA singna ma magi constituency da community quarantine centre sing semgat-hanbani. MLA na sinba asidagi achou achouba problem kaya thorakkani.

Mana sillabadi icha thamloi haiba meesu thorakkani. Khun gi oina changnadaba khun su lei. MLA maithihannaba quarantine centre thugainaba hotnaba meesu lakkani. MLA singgi manai achaanbasingna sel chanabasu hotnarakkani. Kananasu check touba ngamloi. Inmate singgi marakta touge matagum ningngai hen-gatlakpa meesu yaorakkani.

9. Maram aduna ngasi khwaidagi phaba policy di total communitization toubani, MLAnization touba asi natte. Total communitization touba haibadi MLA gi khut changdaba khun leikhaigi committee singda quarantine centre sing adu sinnakhiba haibani. MLA, DC, SDO, police, doctor singna yengsinbagi thabak touba yai. QMC (Quarantine Management Committee) sembasu khun leikhai adugi achouba meeyamgi meeting touraga semgadabani.

QMC gi leeching makhada quarantine yengsinbagi duty tounaba QG (Quarantine Guards) team khara volunteer singdagi semgadabani. QMC da pithariba sel haidatkhidanaba account open oina thamgadabani, yengningba meena yengba yahan-gadabani. Auditor team amasu ahal laman maraktagi semgadabani. Chingnaba leirabadi khudakta louthokkadabani/sindokkadabani amasung cheirak pigadabani.

Asigumba qurantine sing asi yamlabada tha 1/2 gi watani. Yaoge haiba mee yamna chongthorakkani. Makhoida government na sel pithaba yai, MLA nasu sel/ pot-chei piba yai, meeyamna sel/pot-chei donation pibasu yai. Asigumba quarantine centre sing asi government na MLA na sel pirabasu phei, pidrabasu khun leikaina amadi mee meegi imung manungna sel/pot-chei puthoklaga chat-thaba nagamgani. Tangai phadrabadi chak phaoba yum dagi thillakpa yai. India gi atei state sing gi chatnariba model sing yengura ga di Kerala gi model asi singtha ningai ni.

10. Community quarantine centre singgi khwaidagi chaoba problem asi toilet amasung irujapham gi problem asini. Chak chaba phaoba disposable sijinnaba yai. Australia da touba research amada phatta houdi chentharakpa ising (wastewater) da covid-19 mahik yaoba thengnare hai. Makhoina toilet tagi lounaba yabagi akiba phongdok-i.

Adubu Netherlands gi KWR Water Cycle Research Institute na thijinbadadi mahik asi phattaba isingda yaoraklabasu ngahak meekup khara gi watani, khudakta makhoigi RNA gi “protein coat” adu mang-takkhraba matungdadi mathanta mangjakhi amasung makhoina meeda changbagi tanja phangloi hairi. Maram aduna toilet kidamak thoidokna chingnaningngai leite. Toilet su athu-akaigidamak plastic na saba leire, madu thourang toubiba yai. Khungang gi lam maraang kaiba maphamdadi khara lapna matam kharagi oina toubasu yai.

11. Communitization tourabadi inmate masel paali nainaraga chak thongba yare, lam-tu sengbasu masana toujaba yare, amot-akai sengbasu masana toujaba yare. Asum tourabadi ningai touba, complain touba kaya leiraroi. Masa masana responsibility louragani. Masina eikhoigi khunnaigi community feeling hen-gat-hallagani. Masina tungda kannaba yamna purakkani. Model asi khun leikaigi thabak ateidasu sandorakpa yagani.

12. Ngasigi meewoiba khunnaida government amadi market na mang thaakhraga community bu natheirambagi phibham asi meewoibada mangjei haibasi akhang ahei kayana hairi (Raghuram Rajan: The Third Pillar amasung Yuval Noah Harari gi anouba youtube video sing yengbiyu). Wapham asi chummi haibasi ngasi covid-19 thorakpa asida chumle haiba khangle.

Community na thoudang chaona louba amasung community bu yamna ikai khumnaba leibak amasung khunnaida covid-19 laksinba laina thok-li. Khudam oina South Korea, Cuba, China, Singapore amadi south east Asia gi leibaksing gi khudam piba yai. South Korea gi community movement, Saemaul Undong ningsingba yai. Government kanba amasung inaak khunba west ki leibak singna maithiriba asisu ningsingba yai. Para tamba mathou tai.

13. Hotel achouba singda sel piba quarantine centre hanglibasi inaak khunbagi nattana laina leiba, meeronbi amadi ahal oibasingda sel loudana nattraga sel hanthahallaga leihansi. Sel kharagidamak khunnaida anem awang khaiba policy pusallakpasi pukning thougatningde. Eikhoi hujik hujikki nattana tunggisu khara khansi. Community feeling kankhat-hansi, community sougatsi, market pukning thougatloisi.

Houjik leingakna Covid-19 gi awaba kaya mayokna riba asi thengnaba da iramdam asi gi lura ba tanpham kaya da achouba thoudang loudu na lakliba CSO sing ga khut sam na duna chatmi naba yanaba thousil ama paikhatpiyu. Khunai asigi mipum khu ding mak lantheng asi da saruk yahan duna laichat asi ngakthok naba hotnaba na amata ngaira ba upaini.

Haijariba

(Somorendro Thokchom)
President CIRCA
Coalition For Indigenes’ Rights Campaign Manipur
CIRCA, Manipur