Adubu!
- A Short Story -
Dr. Moirangthem Jiban Singh *
Mamannabi Sanatombina lirakpa warising muna taruraba matung, pukningse khoirang khoisaonabaga loinana yum youba ngamdana, lambi mapanda leiba PCO amada fat changlaga…………
- Eema ei Helina-gi mamannabane, Nagamapal-dagine. Tuition mafamdagi hallakpata mangairi. Madi ngasi tuition su lakte, masa ngamdabra? Karigumba maru-oiba pao amatang haig-ge haina yum youdringeida PCO dagi hekta toujarakpani. Mabu leibra amukta paihanbigera?
- Heima! Eikhoi eebem-magi mamannaba, eechana ngangthorakpa wahei-watasing-ga ateigiga manmade. Onthokna tabada nungai. Ngaikhoko, eebemma........
- Tare eema,
- Khara thuna amukta lak-o.
- Kari?
- Se, wari sanou.
- Kana?
- Keidoure tuition laktradi? Kari charammino morok saraga kammiduna?
- Pasoida chatlubane. Hallakpata mangairi, aduna lak-khidabane. Hayeng lakke. Pao nungaiba amasu tambige. Eemana singju-bora thanamme. Khut hambaka kao-i, chari.
- Haobro?
- Hao-i. Nangdi kaida liege?
- Morok asaba mayam chasinganu, hamthajani. Yamna sabasu ouraklabani tumba ngamloi. Tuition hallakpani, yum youdri, lambidagine tourak-ise.
- Ha! Yamna nungsibagi wanine.
- Um, Sak-henbi, khonjendo tadradi leiba ngamdre. Aduna yum youba ngamdana tourisini. Nangna eise pungao-ngaohalle.
- Tat, natat tounu. Ei khang-handabida atoppa nupi mayamma koiramgani. Johstone gi Secretary-nabu! Tamfasana – Ibotonsana higher secondary-gi secretary mayamga toina-toina Imphal Bazaar manungda peisa khaiba chatpa natra, ha ha ha ha ha ha........
- Thina hatlehe nangidudi.......
- Ashengba natro?
- Ashengbane, apambasu lising-lising lei. Adubu eigi nungsibadi natomtani. Nang eingonda nungsibagi matangda amuk hanna fagi tourak-kanu.
- Ishh.......! Natou yenge toubane pammuba. Nasaktuga ‘Nana Patekar’ hek malladana, ha ha ha
- Fare, adu oiradi eikhoini hayeng hekta chellasi.
- Kari chellase!
- Tha amata mangaire exam hougadaba, exam loiba ngaiba ngamlaroidara? Khangba ngamdrabo?
- Konna luhonglabasu kaide, hayeng eikhoi ani chellasi. Minara-lainara tamba ama lakcharani.
- Ngaokho-he! Khangba khara kallu. Ngasise nang maong ama tou-i, keidoure?
- Ei nangi khanbada yamna wai. Ngasisu makhoi mayamna eibu laknarak-i. Chumbra lanbra khangde. Ei tuminna adum lak-labani.
- Kari haina lak-naraklibano?
- Toklasida, kannadaba wathini. Exam kuidre lairik paro. Eisu chatlage.
- Ngaikho!
- Yareda, hayeng tuition mafamda oina sannarasi. Peisa yamna tarani thamlage. Ei peisasu yamna yaorakte.
- Tage tasano, nangna leiriba PCO do kadaidano? Ei lakke leirammo.
- He! Ngaikho. Peisa ei adum pijarage. Numit tare, nang lak-anu.
- Adu, makhoina kari hairak-ino, haiyo.
- Haidringeida, nang eibu thadoktuna chatkhiroi haina wasak-u.
- Oh! Adugi wa oire. Nangna haining-ido, ei adum khangjare. “Eise chellurabini”, haina hairakpa natro?
- Makhoina hainingba haijasanu, ei-nangna tabidraga loire. Toubatabu, makhoina gyam men tadana ngangnaribado tabada khangba ngamdaduna toubani.
- Houjik khangba ngamdraga, hayeng luhonglaba matungda punsi chuppa khangbadi ngamgadra?
- Ash! Eina ngasaina haiduni. Nangi hounabi tourak-ani haiba. Yare toklose. “Hallakpi-hallaktabi, fajabi-thibi karimataga eiga mari leinade, eidi nangbu pamba natte, nangbu thammoi sengna nungsirubani. Nang eibu thadoktuna chatkhiba yaroi. Nang eigini”.
- Eibu thammoi sengna nungsiraga, karigi mina ngangnaba taruraga, eingonda call tourakliba? Eise hallakpini pamdre haining-laba natra? Chatlo!loina chatkhro! Ei hingningdre!
Numittuma, hayeng kari oiragaba khan-khanduna adum piranglakta loisinkhre.
Mathangi numitagi Helina tuition toubasu lak-khidre. Eingonda tamjage haikhiba mapaodusu takhidre. Mamannabisingda hanglubasu asengba paokhum amata fangde. Call tourubasu paikhatte. Mana tuition yaoba atoppa mafamda yenglubasu lakhidre hairak-i. Mapao taningbana langtaknaraba thammoisina magi mapaotabu ngaikhi.
Maigei thungna chattuna hanglubasu aremba takhi. Minok chaoraba samajsida magi oiramgadaba punsido khallubada, eisu angaobagun lenkhi. Adubu!
* Dr. Moirangthem Jiban Singh wrote this article for e-pao.net
The writer is Research Associate , Central Pollution Control Board, Parivesh Bhawan, New Delhi, and can be contacted at mjscholar(at)gmail(dot)com
This article was posted on February 27, 2015.
* Comments posted by users in this discussion thread and other parts of this site are opinions of the individuals posting them (whose user ID is displayed alongside) and not the views of e-pao.net. We strongly recommend that users exercise responsibility, sensitivity and caution over language while writing your opinions which will be seen and read by other users. Please read a complete Guideline on using comments on this website.